Fréttir

Að gefnu tilefni ítrekar Umhverfisstofnun lokun neðri göngustígar við Gullfoss vegna slysahættu en stígurinn og fossbrúnin geta verið mjög varasöm á þessum tíma ársins.

Íslendingar eru frægir fyrir að skjóta upp ósköpunum öllum af flugeldum á nýársnótt. Áhrifin á andrúmsloftið eru öllum ljós en þau eru skammvinn og oftast nær er loftið orðið hreint á nýársdag. Það er hins vegar ekki allt sem sýnist. Í flugeldum geta verið efni sem berast út í umhverfið, safnast þar upp og geta jafnvel haft alvarleg áhrif á heilbrigði dýra efst í fæðukeðju.

Frá og með 1. janúar 2012 mun flugstarfsemi innan EES-svæðisins falla undir viðskiptakerfi ESB með losunarheimildir (EU Emission Trading System, ETS). Frá þeim tíma mun viðskiptakerfið ná til flugs sem felur í sér flugtak eða lendingu á flugvelli á Evrópska efnahagssvæðinu, þ.e. í einhverju af 27 aðildarríkjum ESB, auk Íslands, Noregs og Liechtenstein.

Umhverfisstofnun hefur gefið út leyfi til ORF Líftækni hf. fyrir ræktun á erfðabreyttu byggi í tilraunagróðurhúsi Landbúnaðarháskóla Íslands, að Reykjum, Ölfus.

Umhverfisstofnun hefur ákveðið að loka tímabundið gönguleið sem liggur frá neðra bílastæði að fossbrún Gullfoss.

Umhverfisstofnun auglýsir tillögu að starfsleyfi fyrir Arnarlax ehf. fyrir kvíaeldi í Arnarfirði. Tillagan gerir ráð fyrir heimild til rekstraraðila til að framleiða allt að 3.000 tonn af laxi á ári í sjókvíum á þremur stöðum í Arnarfirði.

Undanfarið hefur verið umfjöllun um starfsemi tannhvítunarstofa hér á landi í fjölmiðlum. Slíkar stofur eru starfsleyfisskyldar hjá Heilbrigðiseftirliti sveitarfélaga og mega ekki vera starfandi án slíks leyfis

Umhverfisstofnun auglýsir tillögu að starfsleyfi fyrir Fjarðalax ehf. í Fossfirði sem er einn af Suðurfjörðum Arnarfjarðar. Tillagan gerir ráð fyrir heimild til rekstraraðila til að framleiða allt að 1.500 tonn af laxi á ári innan svæðis sem nánar er tilgreint.

Drög að úthlutun hreindýraarðs fyrir árið 2011 hafa verið send út til kynningar í sveitarfélögum. Drögin munu liggja frammi á skrifstofum sveitarfélaganna til skoðunar frá 1. desember til 14. desember 2011 sem er sá frestur sem gefst til að gera athugasemdir.

Hjá Umhverfisstofnun er laust til umsóknar starf sérfræðings í friðlýsingum.

Umhverfisstofnun hefur unnið tillögu að starfsleyfi fyrir móttökustöð Ísafjarðarbæjar í Engidal, Ísafjarðarbæ. Frestur til að skila inn athugasemdum er til 20. janúar 2012.

Umhverfisstofnun stefnir að því að halda landvarðarnámskeið á vordögum 2012. Um er að ræða 110 klst námskeið sem gefur þátttakendum réttindi til landvörslu á friðlýstum svæðum.

Umhverfisstofnun hefur endurskoðað ákvörðun um álagningu dagsekta á Vestmannaeyjabæ vegna ófullnægjandi mengunarvarna sorporkustöðvar bæjarins. Tilgangur dagsektanna var að knýja fram úrbætur í mengunarvörnum sorporkustöðvarinnar varðandi ryk, úrgangsvatn og neyðaráætlun.

Nú nálgast jólin og undirbúningur að jólahaldi er að hefjast á mörgum heimilum. Umhverfisstofnun gefur út blað fyrir þessi jól sem kallast Góð ráð fyrir græn jól. Aðaláhersla blaðsins er á varasöm efni í neytendavörum og gefin eru einföld og góð ráð um hvernig megi forðast þau.

Umhverfisstofnun hefur látið vinna hagfræðilega greiningu á nýtingu vatns. Greiningin er tilraun til að leggja mat á hvers virði vatnið okkar er. Greiningin var unnin af Hagfræðistofnun Háskóla Íslands í samræmi við ákvæði í nýjum lögum um vatnastjórn.

Upptaka nýs stjórnkerfis vatnamála er nýlega hafin hér á landi en henni mun ljúka með gerð vatnaáætlunar fyrir allt landið árið 2015. Mikilvægur áfangi í þeirri vinnu er útgáfa áfanga- og verkáætlunar, sem nú hafa verið gerð drög að.

Kynningarfundur um tillögu að starfsleyfi fyrir Laxa fiskeldi ehf. til að stunda laxeldi í Reyðarfirði verður haldinn í dag, fimmtudaginn 3. nóvember klukkan 17 á Fjarðarhóteli, Reyðarfirði.

Umhverfisstofnun hefur óskað eftir tilnefningum í vatnasvæðisnefnd á hverju vatnasvæði landsins. Í vatnasvæðisnefndum skulu sitja fulltrúar Umhverfisstofnunar, sveitarfélaga, heilbrigðisnefnda og náttúruverndar- eða umhverfisnefnda ásamt fulltrúum ráðgjafanefndar fagstofnana og eftirlitsaðila og ráðgjafanefndar hagsmunaaðila

Rjúpnaveiðitímabilið í ár hefst á morgun föstudaginn 28. október. Umhverfisstofnun vil benda á breytt fyrirkomulag rjúpnaveiða 2011 þar sem ákveðið hefur verið að fækka veiðidögum úr 18 í 9 vegna afkomubrests í stofninum. Leyfilegir veiðidagar árið 2011 eru eins og áður segir 9 á þessu rjúpnaveiðitímabili og skiptast þeir niður á fjórar helgar.

Í dag afhenti Umhverfisráðherra, Svandís Svavarsdóttir, nýbökuðum foreldrum, Auði Jörundsdóttur og Benedikt Hermannssyni fyrsta pokann í verkefninu Ágætis byrjun á heilsugæslunni Miðbæ. Ágætis byrjun er verkefni sem Umhverfisstofnun stendur fyrir til að kynna umhverfismerkið Svaninn og hvetja foreldra til að nota slík merki sem hjálpartæki við vöruval. Svandís lýsti yfir mikilli ánægju með verkefnið og benti á mikilvægi þess að huga vel að vöruvali fyrir ungabörn.

Nokkuð hefur verið fjallað um hreindýrstarfa sem fastir hafa verið saman með vírhönk í hornum við Flatey á Mýrum. Nú hafa tarfarnir losnað í sundur þar sem annar þeirra hefur fellt hornin.

Umhverfisstofnun auglýsir tillögu að starfsleyfi fyrir Laxa fiskeldi ehf. til að stunda laxeldi í Reyðarfirði. Tillagan gerir ráð fyrir heimild til rekstraraðila til að framleiða allt að 6.000 tonn af laxi á ári í sjókvíum á tilgreindum stöðum í firðinum.

Umhverfisstofnun hefur nú hlotið vottun á gæða og umhverfisstjórnunarkerfi sínu og er fyrsta opinbera stofnunin sem fær slíka faggilda vottun. Um er að ræða vottun á gæðastjórnunarkerfi skv. ISO 9001:2008 og umhverfisstjórnunarkerfi skv. ISO 14001:2004. Stofnunin er ákaflega stolt af árangrinum en innleiðing kerfanna tveggja hófst á vormánuðum 2009.

Nýtt fyrirkomulag við stjórn vatnamála. Tilgangurinn með innleiðingu vatnatilskipunar ESB er að tryggja verndun og heilnæmi vatns á Íslandi til framtíðar.

Héðan í frá verða allar eftirlitsskýrslur Umhverfisstofnunar birtar á vefnum. Þannig getur hver sem er fylgst með stöðu mála hvað varðar mengandi starfsemi, hvar sem er á landinu, hvenær sem er.

Umhverfisráðherra, Svandís Svavarsdóttir, hefur ákveðið fyrirkomulag rjúpnaveiða árið 2011.

Í janúar sl. skipaði bæjarstjórn Vesturbyggðar starfshóp um framtíðarskipulag Látrabjargs og nágrennis, en í aðalskipulagi sveitarfélagsins er gert ráð fyrir að svæðið verði friðlýst.

Svandís Svavarsdóttir umhverfisráðherra heimsækir svæðið dagana 26. og 27. september til að hitta landeigendur og annað áhugafólk um framhaldið.

Á dögunum birti Ferðaklúbburinn 4x4 GPS kortagrunn með upplýsingum um vegi, slóða og aðrar akstursleiðir á Íslandi. Meðal þeirra leiða sem þar eru birtar eru vegir og slóðar sem hefur verið lokað og bannað er að aka eftir.

Klukkan 22:00 á síðasta veiðidegi þann 20. september sá fjöldi hreindýra sem útgefinn kvóti hljóðaði uppá verið felldur.

Í dag, miðvikudaginn 21. september, mun Svandís Svavarsdóttir, umhverfisráðherra, opna Sigríðarstíg formlega.

Miðvikudaginn 21. September kl. 15 heldur Sara Bjorkqvist fyrirlestur um PCB í íslenskum byggingum. Fyrirlesturinn verður sendur út á vef Umhverfisstofnunar.

Umhverfisstofnun Sameinuðu þjóðanna (UNEP) heldur árlega upp á dag ósonlagsins sem ákveðinn var 16. september, en þann dag árið 1987 var Montealbókunin undirrituð.

Seinasti dagur til að fella hreintarfa var 15. september.

Umhverfisstofnun hefur gefið út starfsleyfi fyrir Al, álvinnslu, í Helguvík, Reykjanesbæ.

Umhverfisstofnun barst nýlega ábending um auglýsingu í Bændablaðinu 18. ágúst sl., á léttu klifurhjóli sem er „Nýjung í smalamennsku!”, „Tætir ekki upp gróður” og „Umhverfisvæn.” Umhverfisstofnun vill vekja athygli á að allur akstur utan vega, á vélknúnum ökutækjum, er bannaður, nema á jöklum, svo og á snjó utan vega utan þéttbýlis svo fremi sem jörð er snævi þakin og frosin.

Haustið er uppskerutími og margir sem njóta þess að fara út í náttúruna og týna bæði ber og sveppi sér til matar og ánægju. En um nýtingu almennings á þessari auðlind, rétt eins og öðrum, gilda þó ákveðnar reglur sem gott er að vera meðvitaður um áður en haldið er af stað.

Það sem af er ári 2011 hafa 160 leiksvæði fengið aðalskoðun á öllu landinu.

Veiðitímabil á öndum þ.e stokkönd, urtönd, rauðhöfðaönd, duggönd, skúfönd, hávellu og toppönd hefjast í dag miðvikudaginn 1. september. Helsingja er einnig leyfilegt að veiða frá og með deginum í dag utan Skaftafellssýslna en þar má ekki veiða helsingja fyrr en 25. september.

Hjá Umhverfisstofnun er laust til umsóknar starf sérfræðings á sviði loftslagsmála og losunar gróðurhúsalofttegunda.

Umhverfisstofnun hafa borist ábendingar að undanförnu um að plastmerkingar vanti á plastumbúðir.

Viðey í Þjórsá verður friðlýst á morgun, miðvikudaginn 24. ágúst að ósk landeigenda.

Athygli er vakin á því að búið er að birta lista yfir virk efnin í sæfiefnum sem hafa verið áhættumetin í ákveðnum sæfiefnaflokkum. Þessi listi verður alltaf uppfærður og fleiri virk efni birtast þar um leið og þau hafa verið áhættumetin.

Kalmanshellir í Hallmundarhrauni var friðlýstur við hátíðlega athöfn í félagsheimilinu Brúarási í Hvítársíðu sl. föstudag, 19. ágúst.

Veðurstofan greinir frá því styrkur koltvísýrings á Íslandi hafi farið yfir 400 ppm og ekki verið hærri í hundruð þúsunda ára.

Veiðitímabil á grágæs og heiðagæs hefst laugardaginn 20. ágúst.

Hlaupahópur Umhverfisstofnunar hefur frá því í vor stundað stífar æfingar til undirbúnings þátttöku í maraþoninu.

Kalmanshellir í Hallmundarhrauni verður friðlýstur næstkomandi föstudag. Markmið friðlýsingarinnar er að vernda Kalmanshelli, einstæðar jarðmyndanir hellisins og hellakerfið allt og koma í veg fyrir röskun og skemmdir á jarðmyndunum.

Í tilefni af 40 ára afmæli Ramsarsamningsins verður boðið upp á fræðslu og náttúruskoðun í Vatnsmýrinni og við Mývatn laugardaginn 13. ágúst. Á Íslandi eru þrjú Ramsarsvæði, Grunnafjörður, Mývatn og Þjórsárver og tvö til viðbótar hafa verið tilenefnd, Guðlaugstungur og Snæfells- og Eyjabakkasvæðið.

Samkvæmt REACH reglugerð nr. 750/2008 eiga neytendur rétt að fá upplýsingar um tiltekin hættuleg efni í hlutum.

Hjá Umhverfisstofnun er laust til umsóknar starf lögfræðings á sviði laga og stjórnsýslu. Í boði er starf hjá stofnun þar sem að leiðarljósi eru höfð fagmennska, traust og ábyrgð.

Loftgæði á Íslandi eru almennt talin góð en við ákveðnar veðurfarslegar aðstæður geta loftmengunarefni safnast upp og farið yfir heilsuverndarmörk. Loftmengun á sér mismunandi uppsprettur, ýmist frá iðnaði, bílaumferð og/eða jarðvegsfoki.

Sumarlokun hefst hjá Umhverfisstofnun eftir helgi, þ.e. frá mánudegi 18. júlí til og með föstudegi 29. júlí vegna sumarleyfa starfsmanna. Gert er ráð fyrir að lágmarksþjónustu verði sinnt og þeim störfum sem óhjákvæmilegt er að sinna á þessum árstíma. Móttaka stofnunarinnar er lokuð á þessum tíma en skiptiborðið verður opið.

Umhverfisstofnun hefur gefið út starfsleyfi fyrir kvíaeldisstöð HB Granda hf. í Berufirði þar sem rekstraraðila er heimilað að framleiða allt að 4000 tonn af laxi og allt að 4000 tonn af þorski á ári í sjókvíum í Berufirði.

Notkun á burðarpokum úr plasti er mikil á Vesturlöndum en um leið vandamál sem taka verður á með einhverjum hætti. Samkvæmt upplýsingum frá framkvæmdastjórn Evrópusambandsins voru alls framleidd 3,4 milljón tonn af burðarpokum í Evrópu árið 2008, en það samsvarar þyngd 2 milljóna fólksbíla. Er áætlað að hver einstaklingur innan Evrópusambandsins noti um 500 plastpoka að meðaltali á ári. Þessi mikla notkun plastpoka veldur miklum umhverfisáhrifum því talsvert magn af plasti er hvorki endurunnið né fargað heldur berst til sjávar með regni, frárennsli og ám eða fýkur til hafs. Plastefni brotna þar niður í smærri einingar á mjög löngum tíma, en eyðast jafnvel aldrei að fullu.

Hlunnindaveiðtímabil á lunda er nú hafið en veiðin hófst 1.júlí og stendur veiðitímabilið til 15.ágúst ár hvert. Viðkomubrestur hefur orðið hjá lundanum við sunnanvert landið undanfarin ár sem rakin hefur verið til hruns í sandsílastofninum við landið.

Prentmet í Reykjavík hefur nú fengið vottun Norræna umhverfismerkisins Svansins til staðfestingar á góðum árangri í umhverfismálum. Prentmet hefur frá stofnun lagt sig fram við að minnka neikvæð umhverfisáhrif. Markmiðin eru skýr, skuldbinding eigenda og stjórnenda fyrirtækisins er augljós og greinilega mikill áhugi meðal alls starfsfólks.

Umhverfisstofnun ákvað í febrúar á þessu ári að kanna styrk díoxína í jarðvegi til þess að fá skýra mynd af stöðu mála hvað varðar losun díoxína út í umhverfið á Íslandi. Forsaga málsins er sú að díoxín mældust yfir mörkum í lok desember 2010 í mjólk í Skutulsfirði í nágrenni við sorpbrennsluna Funa. Umhverfisstofnun lagði þá þegar í byrjun janúar til við umhverfisráðuneytið að eldri sorpbrennslum yrði gert að uppfylla hertari skilyrði um losun mengandi efna sem giltu fyrir nýrri sorpbrennslur.

Hvítabjörn var felldur í Rekavík á Hornströndum 2. maí 2011. Var hann skotinn úr þyrlu Landhelgisgæslunnar tæpum sex klst. eftir að hann sást fyrst á vappi í fjörunni í Hælavík. Björninn var fluttur samdægurs til Reykjavíkur og afhentur Náttúrufræðistofnun Íslands sem fór þess á leit við Karl Skírnisson, dýrafræðing á Tilraunastöðinni á Keldum að sjá um rannsóknir á dýrinu. Athuganir hófust samdægurs en krufning var gerð daginn eftir og var hún gerð í samvinnu við Ólöfu Guðrúnu Sigurðardóttur, dýralækni og dýrameinafræðing á Keldum og Þorvald Björnsson, hamskera Náttúrufræðistofnunar Íslands.

Við mælingar á efnainnihaldi flugelda á vegum yfirvalda í Danmörku á síðastliðnu ári kom í ljós að hluti þeirra innihélt þrávirka efnið hexaklórbensen (HCB) sem hefur um langt skeið verið bannað vegna þeirra alvarlegu áhrifa sem það hefur á umhverfið og heilsu manna. Í framhaldi af þessum fregnum ákvað Umhverfisstofnun að mæla HCB í andrúmslofti í Reykjavík yfir síðustu áramót.

Dúfnaveislan er samstarfsverkefni Umhverfisstofnunar (UST), Skotveiðifélags Íslands (SKOTVÍS), ýmissa félaga sem reka skotvelli auk styrktaraðila. Tilgangur dúfnaveislunnar er að hvetja veiðimenn um land allt til að kynna sér þá aðstöðu sem skotvellirnir hafa uppá að bjóða og stunda reglulegar skotæfingar áður en veiðitímabilið hefst og undirbúa sig eins og best verður á kosið.

Þjóðgarðurinn Snæfellsjökull er einn af bestu þjóðgörðum Evrópu að mati BBC travel og Lonely Planet. Svo skemmtilega vildi til að fréttin birtist á 10 ára afmælisdegi þjóðgarðsins sem var 28. júní.

Hjá Umhverfisstofnun Evrópu eru laus störf á sviði umhverfismála.

Haldið var upp á 10 ára afmæli Þjóðgarðsins Snæfellsjökuls í gær að Hellnum á Snæfellsnesi og fór dagskráin fram í Hellnakirkju. Guðbjörg Gunnarsdóttir þjóðgarðsvörður kynnti verkefnið ljóð í náttúru sem er einskonar ljóða-ratleikur innan þjóðgarðsins.

Umhverfisráðherra skipaði vatnaráð í byrjun júní síðastliðinn og er það skipað til fimm ára í senn. Í framhaldi af því hélt vatnaráð sinn fyrsta fund í húsi Umhverfisstofnunar þann 28. júní. Sigríður Auður Arnardóttir er formaður vatnaráðs og er Heiðrún Guðmundsdóttir verkefnisstjóri hjá Umhverfisstofnun starfsmaður ráðsins. Aðrir fulltrúar vatnaráðs eru Steinunn Fjóla Sigurðardóttir, Eyrún Ingibjörg Sigþórsdóttir, Þorsteinn Narfason, Lúðvík E. Gústafsson, Árný Sigurðardóttir, Kristinn Einarsson, Harpa Pétursdóttir, Ingimar Jóhannsson og Eik Elvarsdóttir.

Hótel Eldhestar hefur nú fengið vottun Norræna Umhverfismerkisins Svansins til staðfestingar á góðum árangri í umhverfismálum. Hótel Eldhestar er frumkvöðull í umhverfismálum, en hótelið fékk fyrst vottun Svansins árið 2002. Strangar kröfur tryggja að hótelið er enn í fremstu röð varðandi lágmörkun neikvæðra umhverfisáhrifa frá starfseminni. Nú bera alls 16 fyrirtæki merki Svansins, þar af tvö hótel og tvö farfuglaheimili.

Umhverfisstofnun hefur útbúið vefeiningu sem sýnir loftgæði svifryks á þeim stöðum sem mælt er á landinu. Einingin uppfærir sig sjálfkrafa og sýnir styrk mælinganna og gefur til kynna hvort loftgæði séu góð, miðlungs eða slæm. Öðrum vefsíðum býðst nú að setja eininguna upp hjá sér að kostnaðarlausu. Vegna öskufalls frá Eyjafjallajökli og nú síðast Grímsvötnum er viðbúið að loftgæði geti orðið slæm þegar öskuna tekur að fjúka. Á vefsvæði Umhverfisstofnunar er svo hægt að nálgast ítarlegri upplýsingar um loftgæði.

Nú í júní voru unnin skemmdarverk í friðlandinu Dyrhólaey þar sem hlið og skilti sem voru til þess að tryggja lokun svæðisins voru ítrekað fjarlægð. Tilteknir einstaklingar hafa ekki fylgt eftir þeim fyrirmælum sem gefin hafa verið til verndar fuglalífi í Dyrhólaey. Umhverfisstofnun ber skylda til þess að vernda fuglalíf í eynni og mun ekki bregðast því. Umhverfisstofnun harmar að lokun Dyrhólaeyjar hafi ekki verið virt og skemmdir ítrekað unnar á hliðum, skiltum og búnaði. Stofnunin minnir á að heimilt er að kæra ákvörðun hennar um lokun til umhverfisráðuneytisins.

Hjá Umhverfisstofnun er verið að útbúa áfanga - og verkáætlun vegna vinnu við vatnaáætlun og fer hún í opinbera kynningu um mitt sumar sem mun standa yfir í alls sex mánuði.

Umhverfisstofnun barst í gær tilkynning um olíumengun á ströndinni við Garðskaga.

Þann 22. júní nk. mun umhverfisráðherra, Svandís Svavarsdóttir, undirrita við hátíðlega athöfn friðlýsingu tveggja mikilvægra svæða í Skútustaðahreppi, Dimmuborga og Hverfjalls (Hverfell).

Vatnshellir heillar ekki eingöngu þá sem vilja skoða jarðfærðifyrirbæri eða mannvirki. Lífríkið í hellinum er ekki síður spennandi. Fyrir nokkru voru örverufræðingar á ferð í hellinum og tóku sýni af íbúum hans.

Þann 10. júní sl. gaf Umhverfisstofnun út starfsleyfi fyrir móttökustöð Íslenska gámafélagsins ehf. að Berghólabraut 5, Reykjanesbæ.

Umhverfisstofnun auglýsir tillögu að starfsleyfi fyrir fiskeldi Rifóss hf. í Kelduhverfi. Í tillögunni er lagt til að heimilt verði að framleiða árlega allt að 1000 tonn af eldisfiski.

Þann 22. júní nk. mun umhverfisráðherra, Svandís Svavarsdóttir, undirrita við hátíðlega athöfn friðlýsingu tveggja mikilvægra svæða í Skútustaðahreppi, Dimmuborga og Hverfjalls (Hverfell). Þetta munu verða fyrstu friðlýsingar á Mývatnssvæðinu eftir að lögum um vernd Mývatns og Laxár var breytt árið 2004.

Umhverfisstofnun hefur gefið út starfsleyfi fyrir Þórodd ehf. þar sem rekstraraðila er heimilt að framleiða allt að 3000 tonn af laxi á ári í sjókvíum í Patreksfirði og í Tálknafirði þannig að framleidd verði allt að 1500 tonn í hvorum firði.

Fiðrildagildra hefur verið sett upp í þjóðgarðinum Snæfellsjökli í samstarfi við Náttúrustofu Vesturlands en slíkar gildrur eru komnar allvíða um landið.

Hellaferðir í Vatnshelli í þjóðgarðinum Snæfellsjökli eru hafnar og verða alla daga í sumar fram til 20. ágúst. Eingöngu er farið í hellinn undir leiðsögn landvarða þjóðgarðsins sem fræða gesti um þau undur sem þar er að sjá.

Umhverfisstofnun Sameinuðu þjóðanna (UNEP) hefur útnefnt þann 5. júní dag umhverfisins (World Environmental Day – WED) og er haldið upp á þann dag víða um heim af því tilefni.

Svandís Svavarsdóttir umhverfisráðherra beinir þeim tilmælum til landeigenda og handhafa hlunnindakorta að eggjataka og hlunnindaveiðar í sumar verði takmarkaðar eða felldar niður á þessu ári vegna lélegs ástands fuglastofnanna og fæðubrests undanfarin ár.

Nú þegar sumarið er komið og aðsókn að sundlaugum landsins eykst vill Umhverfisstofnun vekja athygli fólks og þá sér í lagi foreldra og forráðamanna barna á að ný reglugerð um hollustuhætti á sund- og baðstöðum tók gildi um síðustu árarmót. Í reglugerðinni eru ýmis ný og breytt ákvæði sem stuðla að öryggi barna í sundlaugum.

Umhverfisstofnun hélt kynningafund 23. maí s.l. í Duushúsi, Reykjanesbæ, um tillögu stofnunarinnar að starfsleyfi fyrir Al, álvinnslu.

Þann 24. maí sl. gaf Umhverfisstofnun út starfsleyfi fyrir móttökustöð Gámaþjónustu Norðurlands ehf. við Rangárvelli, Akureyri. Tillaga að starfsleyfinu var auglýst á tímabilinu 1. mars - 29. apríl 2011 en Umhverfisstofnun barst engin athugasemd. Samkvæmt hinu nýja starfsleyfi er Gámaþjónustu Norðurlands heimilt að taka á móti allt að 25 þúsund tonnum af úrgangi á ári til meðhöndlunar, þ.e. flokkunar, umhleðslu, forvinnslu, böggunar, pökkunar og geymslu, og gildir leyfið til næstu sextán ára.

Árlega tekur Umhverfisstofnun saman tölur yfir magn og ráðstöfun úrgangs í landinu og hefur nú lokið við að taka saman tölur fyrir árið 2009. Ekki er hægt að álykta annað en að niðursveifla efnahagslífsins komi vel fram í þessum tölum.

Umhverfisstofnun hefur, að höfðu samráði við heilbrigðiseftirlit Suðurlands og sveitarstjóra Skaftárhrepps, ákveðið að færa loftgæðamælistöðina sem hefur síðustu daga verið á Selfossi yfir á Kirkjubæjarklaustur.

Laus eru til umsóknar tvö störf sérfræðinga á sviði loftslagsbreytinga og viðskiptakerfis með losunarheimildir gróðurhúsalofttegunda. Um er að ræða ný störf.

Í dag hafa loftgæði á höfuðborgarsvæðinu verið mjög góð og vel undir heilsuverndarmörkum (50 µg/m3 að meðatali á sólarhring).

Hægt er að fylgjast með loftgæðum á Suðurlandi en þar eru nú tveir svifryksmælar, annars vegar á Selfossi og hins vegar á Raufarfelli (undir Eyjafjöllum).

Hafin er sýnataka af jarðvegi og sjávarseti á völdum svæðum hér á landi á vegum Umhverfisstofnunar til mælinga á díoxínum og heildarmagni lífræns kolefnis (TOC). Díoxín er samheiti yfir klóríðrík díoxín og fúrön.

Eldgos í Grímsvötnum dugði ekki til þess að koma í veg fyrir að haldin yrði alþjóðleg ráðstefna um veiðistjórnun.

Starfsmenn Umhverfisstofnunar eru í þann mund að koma upp svifryksmæli á Suðurlandi til viðbótar við þann sem er undir Raufafelli.

Loftgæðamælingar á Grensásvegi sýndi háan topp í svifryki um klukkan átta í morgun. Þessi toppur mældist í kringum 700 µg/m3 en heilsuverndarmörkin eru 50 µg/m3 á sólarhring.

Umhverfisstofnun hefur virkjað viðbúnaðarstöðu vegna gossins í Grímsvötnum. Stefnt er að því að svifryksmælir verði kominn upp á Kirkjubæjarklaustri á mánudag.

Almennur kynningafundur vegna tillögu að starfsleyfi fyrir Al, álvinnslu hf, verður haldinn í Duushúsi, Reykjanesbæ, mánudaginn 23. maí kl. 17:00

Þann 12. maí s.l. var haldinn fundur í dýraverndarráði, en ráðið starfar skv. 17. gr. laga nr. 15/1994 um dýravernd. Á fundinum var m.a. fjallað um ný dýravelferðarlög og beit nautgripa, athugasemdir dýraverndarráðs við nýja reglugerð um aðbúnað og heilbrigði svína, offjölgun katta og stöðu á endurskoðun reglugerða. Fundargerðin er nú komin á vefinn og má finna hana hér.

Í ljósi upplýsinga um aukningu á styrk flúors í beinum og í ljósi sívaxandi álframleiðslu hér á landi telur Umhverfisstofnun að uppkomin séu veigamikil rök fyrir því að ráðist verði í heildstæða úttekt á styrk flúors í beinum og tönnum stórra langlífra íslenskra grasbíta.

Nýlega var haldið námskeið fyrir heilbrigðisfulltrúa sveitarfélaga, til þjálfunar við skoðun og eftirlit með tækjum og virkni þeirra í loftræsti- og hitakerfum og heitu neysluvatni.

Fyrirtæki verða að tilkynna um varasöm efni í hlutum ekki seinna en 1. júní 2011.

Þann 5. maí síðastliðinn gaf póstþjónusta Sameinuðu þjóðanna út sex ný frímerki þar á meðal eitt með Surtsey.

Hjá Umhverfisstofnun er laust til umsóknar starf sérfræðings um Látrabjarg og friðlýst svæði á sunnanverðum Vestfjörðum.

Verndaráætlun Mývatns og Láxár var undirrituð af umhverfisráðherra Svandísi Svavarsdóttur við hátíðlega athöfn í gestastofu Umhverfisstofnunar þann 14. maí.

Útstreymi gróðurhúsalofttegunda dróst saman um 5% milli áranna 2008 og 2009. Losun vegna iðnaðar og efnanotkunar er samtals 44% og vegna samgangna 20% af heildarlosun á árinu 2009.

Nýlega var haldin fjölmenn ráðstefna um mengun á Íslandi þar sem yfir 100 manns tóku þátt. Nú er komið út ráðstefnurit sem er aðgengilegt hér á vefnum.

Í morgun var flogið inn á friðlandið Hornstrandir og skimað eftir hvítabjörnum og hvorki sást hvítabjörn né ný ummerki eftir hvítabirni.

Umhverfisstofnun tekur undir ábendingar Ríkisendurskoðunar sem fram koma í skýrslu um málefni sorpbrennslna.

Þann 14. maí næstkomandi mun umhverfisráðherra undirrita verndaráætlun Mývatns- og Laxár í Mývatnsstofu.

Umhverfisstofnun hefur ákveðið að beita sorporkustöð Vestmannaeyja dagsektum frá og með 1. júní næstkomandi. Einnig verður starfsemi stöðvarinnar takmörkuð við tilteknar veðuraðstæður.

Opnað hefur verið fyrir skráningu á námskeið fyrir verðandi leiðsögumenn með hreindýraveiðum.

Ríkisstjórnin samþykkti að veita Umhverfisstofnun 41,9 m.kr. til framkvæmda á friðlýstum svæðum sem stofnunin telur að séu í hættu.

Stefnt er að því að halda námskeið fyrir verðandi leiðsögumenn með hreindýraveiðum á Egilsstöðum 9.-12. júní 2011.

Þeir sem hyggjast leggja leið sína í Hornstrandafriðlandið snemmsumars þurfa að hafa ýmislegt í huga, þar á meðal að ferðamenn þurfa að tilkynna um ferðir sínar á tímabilinu 15. apríl til 15. júní.

Allnokkuð mistur var víða á suður og vesturlandi í gær, mánudaginn 2.maí. Nokkur svifryksmengun mældist á höfuðborgarsvæðinu.

Umhverfisstofnun hélt miðvikudaginn 27. apríl s.l. málstofu um aðferðir við flokkun vatnshlota í gerðir, ákvarðanir um manngerð og mikið breytt vatnshlot og mat á álagi á vatnshlotagerðir.

Hvítabjörn var felldur í Rekavík (bak Höfn) á Hornströndum kl. 14.21.

Umhverfisstofnun barst tilkynning frá Landhelgisgæslunni í morgun þess efnis að hvítabjörn hefði sést í Hælavík á Hornströndum. Haft hefur verið samband við þá ferðamenn sem vitað er um á staðnum en þeir sem vita um ferðir fólks á svæðinu eru beðnir um að hafa samband við þá og greina frá stöðu mála en einnig láta lögregluna á Ísafirði vita af ferðum fólks.

Umhverfisstofnun auglýsir tillögu að starfsleyfi fyrir Al, álvinnslu hf. Í tillögunni er lagt til að rekstraraðila sé heimilt að að vinna ál úr allt að 12.000 tonnum á ári af álgjalli auk þjónustu fyrir eigin starfsemi.

Laugardaginn 30. apríl býður W23-hópurinn ásamt Háskólalestinni til Vísindaveislu á Hótel Stykkishólmi. Aðgangur er ókeypis og eru allir velkomnir.

Umhverfisstofnun hefur í allnokkurn tíma gert kröfur um úrbætur í mengunarmálum kalkþörungaverksmiðju Íslenska Kalkþörungafélagsins ehf. á Bíldudal. Í því skyni að ýta enn frekar á um úrbætur hefur Umhverfisstofnun því tekið ákvörðun um að áminna fyrirtækið.

Í byrjun mars s.l fóru fram mælingar á útblæstri frá Sorpeyðingarstöðinni í Vestmannaeyjum. Niðurstöður bárust Umhverfisstofnun nú í apríl.

Miðvikudaginn 27. apríl næstkomandi mun Umhverfisstofnun standa fyrir málstofu um innleiðingu vatnatilskipunar ESB vegna þeirrar vinnu sem framundan er hér á landi.

Nýverið voru samþykkt á Alþingi lög til stjórnar vatnamála.

Umhverfisstofnun auglýsir tvö störf sérfræðinga laus til umsóknar.

Námskeið um notkun varnarefna við eyðingu meindýra verður haldið dagana 4., 5. og 6. maí n.k. í húsakynnum Landbúnaðarháskólans á Keldnaholti í Reykjavík.

Becromal var veittur frestur til 4. apríl til þess að skila inn áætlun um úrbætur og tækifæri á að koma með athugasemdir. Umhverfisstofnun hefur nú farið yfir áætlun Becromal.

Undanfarnar vikur hefur mælst óvenju mikil eyðing ósonlagsins yfir norðurhveli jarðar.

Við erum að leita að þremur sjálfboðaliðum, 50 ára og eldri, til þess að fara í þrjár vikur til Englands í sumar. Allur kostnaður greiddur, flug, gisting og matur.

Umhverfisstofnun hefur gefið út nýtt starfsleyfi fyrir fiskeldisstöð Íslandsbleikju ehf. á Stóru-Vatnsleysu, Vogum á Vatnsleysuströnd. Í starfsleyfinu er heimilað að framleiða allt að 1.600 tonn samanlagt á ári af bleikju, laxi og silungi þar til fullvöxnum fiski er slátrað.

Umhverfisstofnun hefur gefið út nýtt starfsleyfi fyrir fiskeldisstöð Íslandsbleikju ehf. á Stað, Grindavík. Í starfsleyfinu er heimilað að framleiða allt að 1600 tonn á laxi og öðrum eldisfiski til manneldis.

Svanurinn á Norðurlöndunum auglýsir laust starf verkefnisstjóra.

Nú er aðgengileg upptaka frá ársfundi Umhverfisstofnunar sem haldinn var þann 25. mars síðastliðinn.

Hótel Rauðaskriða í Aðaldal hefur nú fengið vottun Norræna Umhverfismerkisins Svansins til staðfestingar á góðum árangri í umhverfismálum.

Umhverfisstofnun heldur námskeið í notkun Leiðbeininga um mæliaðferðir við hljóðmælingar vegna eftirlits mánudaginn 4. apríl 2011 kl.13 -17.

Síðasti mögulegi greiðsludagur staðfestingargjalds fyrir hreindýraveiðileyfi er fimmtudagurinn 31. mars. Ekki er hægt að greiða 1. apríl.

Framkvæmdir í Þjóðgarðinum Snæfellsjökli við Djúpalónssand, Gufuskála, Arnarstapa, Gatklett og Malarrif.

Umhverfisstofnun telur á grundvelli gagna sem stofnunin hefur fengið og safnað saman að um brot á starfsleyfi sé að ræða.

Á nýjum vef Umhverfisstofnunar er að finna margar nýjungar. Nú eru upplýsingar um öll friðlýst svæði aðgengilegar í gegnum Íslandskort og sömuleiðis upplýsingar um eftirlit með mengandi starfsemi.

janúar s.l fóru fram mælingar á útblæstri sorporkustöðvanna á Kirkjubæjarklaustri og Svínafelli í Öræfum.

Umhverfisstofnun barst ábending frá Kastljósi um að starfsemi aflþynnuverksmiðju Becromal Iceland í Krossanesi sé ekki í samræmi við ákvæði starfsleyfis verksmiðjunnar.

Þann 11. mars sl. gaf Umhverfisstofnun út leyfi til ORF Líftækni hf. fyrir ræktun á erfðabreyttu byggi í gróðurhúsi gróðrarstöðvar Barra hf.

Umhverfisstofnun heldur ársfund föstudaginn 25. mars á Grand Hóteli kl. 13. Á sama tíma verður opnað nýtt vefsvæði stofnunarinnar.

Umhverfisstofnun hefur unnið tillögu að starfsleyfi fyrir móttökustöð Íslenska gámafélagsins ehf. að Berghólabraut 5, Reykjanesbæ.

Í nýútkominni könnun um umhverfis- og neytendamerki kemur í ljós að norræna umhverfismerkið Svanurinn er langþekktasta umhverfismerkið á Íslandi.

Tilraunaverkefninu var hrundið af stað í mars 2006, þegar skipuð var umsjónarnefnd fyrir verkefnið.

Haldinn var borgarafundur í Vestmannaeyjum um sorpbrennslur og díoxín. Gunnlaugur Grettisson forseti bæjarstjórnar stýrði fundi. Framsögumenn voru Haraldur Briem, sóttvarnarlæknir, Þorsteinn Ólafsson, frá Matvælastofnun (MAST) og Sigríður Kristjánsdóttir, deildarstjóri hjá Umhverfisstofnun. Einnig var í pallborði Kristín Linda Árnadóttir, forstjóri Umhverfisstofnunar. Á fundinn mættu um 50 manns.

Búið er að senda út greiðsluseðla vegna staðfsestingargjalds til þeirra sem fengu úthlutað hreindýraveiðileyfi. Einnig birtist krafan frá Umhverfisstofnuní heimabönkum viðkomandi. Það er hægt er að greiða seðilinn eða kröfuna beint í heimabanka. Ef geiðsla hefur ekki borist fyrir 1. apríl þá missir viðkomandi leyfið.

Að gefnu tilefni vill Umhverfisstofnun koma eftirfarandi á framfæri varðandi samanburð á styrk ryks í útblæstri sorpbrennslustöðva og svifryksmengun í Reykjavík.

Í starfsleyfum Umhverfisstofnunar fyrir fiskeldisstöðvar hefur stofnunin farið fram á að gerðar séu vöktunaráætlanir. Vöktunaráætlanir af þessu tagi eiga að fjalla um vöktun á umhverfisáhrifum í nágrenni stöðvanna. Í eftirlitsferðum Umhverfisstofnunar með starfsemi fiskeldisstöðvanna hefur hins vegar borið á því að kröfur stofnunarinnar hafa ekki þótt nægilega vel útfærðar og að framkvæmd þessara krafna vefjist fyrir rekstraraðilum. Óskað hefur verið eftir því að stofnunin leiðbeini um gerð áætlana af þessu tagi.

Gísli Halldór Halldórsson, forseti bæjarstjórnar Ísafjarðarbæjar stýrði fundi. Framsögumenn voru Daníel Jakobsson, bæjarstjóri, Haraldur Briem, sóttvarnarlæknir, Sigurður Örn Hansson, forstöðumaður hjá Matvælastofnun og Sigríður Kristjánsdóttir, deildarstjóri hjá Umhverfisstofnun. Einnig var í pallborði Kristín Linda Árnadóttir forstjóri Umhverfisstofnunar. Á fundinn mættu um 60 manns.

Umhverfisstofnun hefur sent Vestmannaeyjabæ bréf þar sem áform stofnunarinnar um að svipta sorpbrennslu þeirra starfsleyfi á grundvelli brota á því voru kynnt, en stöðin hefur ítrekað farið yfir þau mörk sem gefin eru upp fyrir ryk í útblæstri.

Þann 18. febrúar sl. gaf Umhverfisstofnun út starfsleyfi fyrir móttökustöð Gámaþjónustunnar hf. að Berghellu 1, Hafnarfirði. Tillaga að starfsleyfinu var auglýst á tímabilinu 26. nóvember 2010 - 21. janúar 2011 og barst Umhverfisstofnun ein athugasemd við hana. Fjallað er um afstöðu Umhverfisstofnunar til athugasemdarinnar í greinargerð sem finna má hér að neðan. Samkvæmt hinu nýja starfsleyfi er Gámaþjónustunni heimilt að taka á móti allt að 100 þúsund tonnum af úrgangi á ári til meðhöndlunar, þ.e. flokkunar, forvinnslu, böggunar, pökkunar, geymslu og endurnýtingar, og gildir leyfið til næstu sextán ára.

Dregið verður úr hreindýraveiðileyfum á laugardaginn 26.febrúar kl 14:00 í húsakynnum Þekkingarnets Austurlands. Hægt verður að fylgjast með útdrættinum á veraldarvefnum og má nálgast slóðina hér á vef Umhverfisstofnunar þegar þar að kemur.

Síðasti mögulegi dagur til að sækja um var 15. feb.

Umhverfisráðuneytið hefur að tillögu Umhverfisstofnunar ákvarðað hreindýraveiðikvóta ársins 2011 og tilhögun veiða. Heimilt verður að veiða allt að 1001 hreindýr árið 2011.

Skuttogarinn Merike sem legið hefur í Hafnafjarðarhöfn um langt skeið sökk suður af landinu föstudaginn 18. febrúar sl. þegar verið var að draga hann til Danmerkur til niðurrifs. Danski dráttarbáturinn Eurosund var með Merike í togi suður af landinu þegar hann tilkynnti upp úr hádegi að Merike hafi sokkið kl. 13:00 en engin olía sást á sjónum enda hafi skipið verið tæmt af olíuefnum áður en haldið var úr höfn.

Þann 10. febrúar sl. undirritaði Svandís Svavarsdóttir umhverfisráðherra friðlýsingu búsvæðis tjarnaklukku á Hálsum við Djúpavog í samræmi við Náttúruverndaráætlun 2009-13. Friðlýsingin var gerð með samþykki sveitarstjórnar Djúpavogshrepps og landeigenda jarðarinnar Strýtu við Berufjörð, og varð Djúpavogshreppur þar með fyrst íslenskra sveitarfélaga til að samþykkja friðlýsingu svæðis til verndar smádýralífi.

Á alþjóðlega votlendisdaginn þann 2. febrúar sl. undirritaði Svandís Svavarsdóttir umhverfisráðherra friðlýsingu búsvæðis fyrir fugla í Andakíl í Borgarfirði. Sveitarfélagið Borgarbyggð, Landbúnaðarháskóli Íslands og landeigendur 13 jarða í Andakíl - Hvítárvalla, Grímarsstaða, Heggsstaða, Báreksstaða, Vatnshamra, Ausu, Neðri-Hrepps, Innri-Skeljabrekku, Ytri-Skeljabrekku, Árdals, Grjóteyrar, Grjóteyrartungu og Skógarkots - standa að friðlýsingunni. Mikil og góð samvinna var milli Umhverfisstofnunar og allra þessara aðila við undirbúning friðlýsingarinnar.

Haldinn var borgarafundur á Kirkjubæjarklaustri um viðbrögð við mælingum á díoxíni í búfjárafurðum í Skutulsfirði. Eygló Kristjánsdóttir sveitarstjóri stýrði fundi. Á fundinn mættu um 150 manns.

Umhverfisstofnun hefur lagt fram áætlun um mælingar á díoxín í jarðvegi í nágrenni mögulegra uppsprettna hérlendis. Rætt hefur verið við fagaðila til að annast mælingarnar en lögð er áhersla á að þær verði gerðar sem fyrst.

Dregið hefur úr heildarlosun díoxíns á Íslandi um 66% frá 1990 til ársins 2008 og um 82% í sorpbrennslu og úrgangsmeðhöndlun. Heildarlosun var 11,3 g I-TEQ (díoxinígilid) árið 1990 en 3,9 g I-TEQ árið 2008. Á árinu 2008 var losun frá áramótabrennum 1,8 g I-TEQ og frá sorpbrennslum og orkuiðnaði 0,6 g I-TEQ af díoxín. Ástæðan fyrir því að heildarlosun hefur dregist saman er fyrst og fremst að mörgum opnum og eldri sorpbrennslum hefur verið lokað og reglur um sorpbrennslur hertar frá árinu 2003.

Umhverfisstofnun hélt fund í morgun með rekstraraðilum eldri sorpbrennslna sem starfa í Vestmannaeyjum, á Kirkjubæjarklaustri og á Svínafelli. Niðurstaða fundarins var að gerðar verða nýjar mælingar á losun díoxíns frá stöðvunum nú í janúar í Vestmannaeyjum og á Kirkjubæjarklaustri en á Svínafelli í maí þegar stöðin verður komin í fullan rekstur.

Þrjár eldri sorpbrennslur eru starfandi sem hafa starfsleyfi skv. undanþágu frá reglum (2003) þar sem meðal annars eru sett mörk um díoxín: Á Kirkjubæjarklaustri, í Vestmannaeyjum og á Svínafelli. Sorpbrennslunni Funa í Skutulsfirði var lokað um áramót. Umhverfisstofnun hefur boðað rekstraraðila þessara starfandi sorpbrennslna á fund miðvikudaginn 5. janúar til þess að ræða stöðuna og framhaldið.