Boðun eftirlits

Umhverfisstofnun ráðgerir á næstunni að fara í eftirlit sem beinist að efnavörum sem eru markaðsettar hér á landi til þrifa og viðhalds á bifreiðum. Þessar vörur hafa víðtæka notkun, bæði meðal almennings og í iðnaði og margar þeirra geta verið hættulegar heilsu og umhverfi.

Umhverfisstofnun ráðgerir á næstunni að fara í eftirlit með plöntuverndarvörum sem eru á markaði hér á landi og vill af því tilefni vekja athygli á þeim reglum sem gilda um markaðsleyfi og merkingar þessara vara.

Umhverfisstofnun ráðgerir á næstunni að fara í eftirlit sem beinist að efnablöndum sem innlendir framleiðendur efnavara setja á markað hér á landi. Markmiðið með eftirlitinu er að skoða hversu vel þessir aðilar fylgja ákvæðum gildandi laga og reglugerða við markaðssetningu á hættuflokkuðum efnablöndum, en jafnframt að veita leiðbeiningar og stuðla að aukinni reglufylgni hvað þetta varðar.

Umhverfisstofnun ráðgerir á næstunni að fara í eftirlit með grilluppkveikivökvum sem eru á markaði hér á landi og er það liður í viðleitni stofnunarinnar að hafa eftirlit og auka neytendavernd hvað varðar áhættusamar efnavörur sem almenningur notar. Stofnunin vill af því tilefni vekja athygli á hættueiginleikum þessara vara og þeim reglum sem gilda um merkingar og umbúðir þeirra.

Milli jóla og nýárs 2018 ráðgerir Umhverfisstofnun að fara í eftirlit með merkingum skotelda sem eru á markaði hér á landi.