Mývatn og Laxá

Mývatn og Laxá er ein af helstu náttúruperlum norðurlands. Þangað hafa ferðamenn, bæði innlendir og erlendir, sótt sér innblástur, notið náttúrufegurðar og hrifist af lífríki svæðisins.

Samspil ferskvatnslinda, jarðhita og eldvirkni undanfarinna alda er vagga þessa landslags og lífríkis sem svæðið hefur upp á að bjóða.

Í Reykjahlíð við Mývatn er landvarðastöð svæðisins en þar hafa einnig aðsetur starfsmenn Umhverfisstofnunar sem starfa við fjölbreytta þætti náttúruverndar á ársgrundvelli.