Umhverfisráðherra, Svandís Svavarsdóttir, hefur ákveðið fyrirkomulag rjúpnaveiða árið 2011. Heimilt verður að veiða samstals níu daga eða helmingi færri en í fyrra. Auk þess verður sölubann áfram í gildi á rjúpu og rjúpnaafurðum og ákveðið svæði á Suðvesturlandi verður áfram friðað fyrir veiði.
Rjúpnaskyttur eru sem fyrr hvattar til að stunda hófsamar og ábyrgar veiðar í samræmi við tillögur umhverfisráðuneytisins.
Samkvæmt talningu og útreikningum Náttúrufræðistofnunar er veiðiþol rjúpunnar í ár 31.000 fuglar. Þetta eru ríflega helmingi færri fuglar en árið 2010, sem skýrist af verri stöðu rjúpnastofnsins.