Fréttir

Við mælingar á efnainnihaldi flugelda á vegum yfirvalda í Danmörku kom í ljós að hluti þeirra innihaldi þrávirka efnið hexaklórbensen sem hefur um langt skeið verið bannað vegna þeirra alvarlegu áhrifa sem það hefur á umhverfið og heilsu manna.

Frá og með 1. janúar 2011 verður einstaklingum yngri en 18 ára óheimil notkun ljósabekkja/sólarlampa í öðrum tilgangi en læknisfræðilegum.

Framleiðendur og innflytjendur efna hafa nú aðeins 11 daga til að senda inn tilkynningu til Efnastofnunar Evrópu. Vefur Efnastofnunarinnar verður aðeins opinn 27. til 30. desember og síðan 3. janúar þegar fresturinn rennur út. Hægt verður að fá aðstoð hjá Umhverfisstofnun þessa sömu daga.

Ný reglugerð um öryggi á sundstöðum tekur gildi um áramótin. Í reglugerðinni eru gerðar ítarlegri kröfur um öryggiskerfi og laugargæslu en gert var í eldri reglugerð. Þá eru auknar kröfur gerðar um öryggi barna og sérstakar kröfur gerðar til sundlaugavarða, kennara og þjálfara.

Umhverfisráðherra gaf nýlega út nýja reglugerð um flúorgös sem aðallega eru notuð sem kælimiðlar á kæli-og frystibúnað og fyrir varmadælukerfi.

Mælingar á kúamjólk á einu lögbýli í Skutulsfirði leiddu í ljós að þrávirk efni voru yfir viðmiðunarmörkum sem hugsanlega má rekja til sorpbrennslustöðvarinnar í Skutulsfirði. Umhverfisstofnun hefur til skoðunar að svipta Funa-sorpbrennslu starfsleyfi og loka starfseminni vegna ófullnægjandi mengunarvarna sem hugsanlega hafa skaðleg áhrif á umhverfið og heilsu manna á svæðinu.

Umhverfisstofnun hefur unnið starfsleyfistillögu til handa Þóroddi ehf. vegna fyrirhugaðs laxeldis í sjókvíum í Patreksfirði og í Tálknafirði. Lagt er til að rekstraraðila verði heimilt að framleiða allt að 3000 tonn af laxi á ári í sjókvíum í Patreksfirði og í Tálknafirði þannig að framleidd verði allt að 1500 tonn í hvorum firði og auk þess verði heimilað allt að 398 tonna þorskeldi eins og verið hefur.

Framleiðendur hættulegra efna og innflytjendur hættulegra efna frá löndum utan EES hafa nú aðeins þrjár vikur til að tilkynna flokkun efnanna til Efnastofnunar Evrópu. Af þeim sökum fara nú fram kynningar á vegum Umhverfisstofnunar þar sem áherslan er lögð á að útskýra tilkynningaferlið.

Umhverfisstofnun hefur unnið tillögu að starfsleyfi fyrir móttökustöð Gámaþjónustunnar hf. að Berghellu 1, Hafnarfirði. Haldinn verður opinn kynningarfundur um málið þann 14. desember nk., kl. 17, hjá Umhverfisstofnun að Suðurlandsbraut 24 (5. hæð). Allir velkomnir.

Umhverfisstofnun vinnur að undirbúningi friðlýsingar á búsvæði tjarnaklukku (Agabus uliginosus) á Hálsum í Djúpavogshreppi í samræmi við náttúruverndaráætlun og aðalskipulag Djúpavogshrepps 2008-2020. Drög að tillögu til umhverfisráðherra um friðlýsingu svæðisins, alls um 146 ha (1,46 km2) liggja nú fyrir.

Hið gamalgróna fyrirtæki Ísafoldarprentsmiðja hlaut 15. nóvember síðastliðinn vottun norræna umhverfismerkisins Svansins.Þetta þýðir að búið er að lágmarka neikvæð umhverfisáhrif frá starfsemi fyrirtækisins svo að þau eru nú undir viðmiðunarkröfum Svansins.

Í gær, 30. nóvember, lauk fresti til að skrá efni skv. REACH og tekur þessi fyrsti skráningarfrestur af þremur á hættulegustu efnunum og efnum sem eru framleidd eða flutt inn í 1000 tonnum á ári eða meira. Efnastofnun Evrópu tekur við skráningum og í lok gærdagsins höfðu 24.675 skráningarskýrslu borist fyrir um 4300 efni. Íslensk fyrirtæki eru í hópi skráningaraðila.

Umhverfisstofnun auglýsir drög að úthlutun hreindýraarðs fyrir árið 2010. Þau hafa verið send út til kynningar í sveitarfélögum. Munu þau liggja frammi á skifstofum sveitarfélaganna til skoðunar frá 1.des. til 14. des. 2010 sem er sá frestur sem gefst til að gera athugasemdir.

Í dag hélt Umhverfisstofnun kynningarfund fyrir hagsmunaaðila um fyrirhugaðar breytingar á reglum um fljótandi eldsneyti. Um er að ræða Evróputilskipun nr. 2009/30/EB og er Umhverfisstofnun að hefja innleiðingarferlið. Bergþóra Hlíðkvist Skúladóttir, sérfræðingur á Umhverfisstofnun kynnti helstu atriði tilskipunarinnar og síðan voru helstu álitamál fyrir íslenska aðila rædd.

Umhverfisstofnun hefur unnið tillögu að starfsleyfi fyrir móttökustöð Gámaþjónustunnar hf. að Berghellu 1, Hafnarfirði. Haldinn verður opinn kynningarfundur um málið þann 14. desember nk., kl. 17, hjá Umhverfisstofnun að Suðurlandsbraut 24 (5. hæð).

Síðustu vikur hefur færanlegur svifryksmælir Umhverfisstofnunar verið staðsettur á Hvolsvelli og er ætlunin að hafa hann þar áfram a.m.k. í vetur.

Umhverfisstofnun hefur unnið starfsleyfistillögu til handa fiskeldisstöð Íslandsbleikju ehf. í Stóru Vatnsleysu, Vogum, Vatnsleysuströnd. Þar er lagt til að rekstraraðila sé heimilt að framleiða allt að 1.600 tonn samanlagt á ári af bleikju, laxi og silungi þar til fullvöxnum fiski er slátrað.

Umhverfisstofnun hefur unnið starfsleyfistillögu til handa fiskeldisstöð Íslandsbleikju ehf. á Stað Grindavík. Þar er lagt til að rekstraraðila sé heimilt að framleiða allt að 1600 tonn á laxi og öðrum eldisfiski til manneldis.

Prentsmiðjan Svansprent hefur hlotið vottun norræna umhverfismerkisins Svansins til staðfestingar á góðum árangri í umhverfismálum. Strangar kröfur Svansins tryggja að starfssemi Svansprents er í fremstu röð hvað varðar lágmörkun á neikvæðum umhverfisáhrifum. Umhverfisráðherra, Svandís Svavarsdóttir, veitti leyfið þann 24. nóvember

Umhverfisstofnun áformar að vera með sérstaka kynningu í næstu viku á tilkynningaskyldu efna til Efnastofnunar Evrópu. Nú hafa framleiðendur og innflytjendur efna aðeins sex vikur til stefnu og miklu máli skiptir að vera vel undirbúinn. Á kynningunni verður farið yfir hvernig beri að tilkynna efni og einnig gefst færi á að ræða þessi mál við sérfræðinga Umhverfisstofnunar. Endanleg tímasetning og dagskrá verður auglýst í byrjun næstu viku.

Nú hefur handbók um efnavörueftirlit litið dagsins ljós en hún er afrakstur samstarfsverkefnis Umhverfisstofnunar og heilbrigðiseftirlits sveitarfélaga. Unnið hefur verið að verkefninu frá því í mars á þessu ári en það fólst í gerð ofangreindrar handbókar og vefgáttar fyrir gagnaskil fyrir heilbrigðisfulltrúa, sem verið er að leggja lokahönd á. Handbókinni hefur verið dreift til allra heilbrigðiseftirlitssvæða á landinu en einnig er hægt að nálgast hana á heimasíðu Umhverfisstofnunar.

Þann 18. nóvember sl. gaf Umhverfisstofnun út starfsleyfi fyrir móttökustöð Hringrásar hf. að Ægisnesi 1, Akureyri. Tillaga að starfsleyfinu var auglýst á tímabilinu 22. júní - 18. ágúst 2010 en Umhverfisstofnun bárust engar athugasemdir við hana.

Friðlýst svæði á Íslandi eru 102 talsins, en umfang þeirra, eðli og ástand er afar misjafnt. Umhverfisstofnun hefur nú umsjón með 62 svæðum ef ekki eru með taldir fólkvangar eða önnur verndarsvæði sem eru í umsjón sveitarfélaga eða lögaðila. Ástæða fyrir friðlýsingu þessara svæða, og þannig verndargildi þeirra, er af ýmsum toga. Svæði kunna að hafa verið friðlýst vegna náttúrufars, landslags, jarðminja, útivistar eða samblands framangreindra þátta.

Í haust var efnt til sketsakeppni fyrir framhaldsskólanema. Keppninni er nú lokið og sigurvegarar hafa verið krýndir. Tilgangur keppninnar er að kynna norræna umhverfismerkið Svaninn fyrir ungu fólki og um leið vekja það til umhugsunar um umhverfismál almennt. Ungt fólk í framhaldsskólum eru framtíðar neytendur og því er mikilvægt að kynna fyrir þeim þann valmöguleika sem umhverfismerkið Svanurinn býður neytendum upp á þegar kemur að því að velja vöru eða þjónustu sem er betri fyrir umhverfi og heilsu.

Umhverfisráðuneytið og iðnaðarráðuneytið efna til fundar um náttúruvernd og ferðaþjónustu á Grand Hótel, fimmtudaginn 18. nóvember kl. 8:30-10:00. Á fundinum verður fjallað um nýlega úttekt Umhverfisstofnunar á álagi á friðlýstum svæðum vegna ferðamanna, úrræði til umbóta, fjármögnun þeirra og leiðir til að tryggja að ferðaþjónusta og náttúruvernd fari saman.

Lögregla og Landhelgisgæslan hafa stundað virkt eftirlit með rjúpnaveiði á þessu veiðitímabili og hefur lögreglan skráð fjórtán meint lögbrot í tengslum við veiðarnar. Flest þeirra tengjast brotum á lögum um vernd, friðun og veiðar á villtum fuglum og villtum spendýrum en lögregla hefur einnig haft afskipti af veiðimönnum vegna aksturs utan vega og brota á vopnalögum.

Umhverfisstofnun auglýsir tillögu að endurnýjuðu starfsleyfi fyrir birgðastöð Skeljungs hf.á Reyðarfirði. Kröfur í tillögunni eru að mestu að mestu óbreyttar frá fyrra starfsleyfi. Eins og í nýlegri starfsleyfistillögu fyrir Olíudreifingu ehf. er lagt til breytt fyrirkomulag á eftirliti með virkni olíuskilja og skal nú fara yfir virknina hálfsárslega og ef hún er talin í lagi er fráveituvatn mælt á þriggja ára fresti. Áður var kveðið á um að mæla árlega en yfirferðin á hálfsárs fresti er ný krafa.

Umhverfisstofnun hefur gefið út nýtt starfsleyfi fyrir Alcoa Fjarðaál sf. þar sem rekstraraðila er heimilt að framleiða allt að 360.000 tonn af áli á ári í kerskálum álversins, auk tiltekinnar tengdrar starfsemi. Umsóknin er upphaflega til komin vegna þess að framleiðsla eykst umfram áætlanir hjá rekstraraðila með straumhækkun og hagræðingu án þess þó að nein ný mannvirki verði reist vegna þess.

Í dag er fyrsti dagur rjúpnaveiðitímabilsins 2010. Tímabilið í ár er frá og með föstudeginum 29.október til og með sunnudagsins 5.desember. Veiðar eru eingöngu heimilar föstudaga, laugardaga og sunnudaga á tímabilinu. Umhverfisstofnun hvetur til hófsamra veiða.

Umhverfisstofnun auglýsir tillögu að endurnýjuðu starfsleyfi fyrir birgðastöð Olíudreifingar ehf. á Reyðarfirði. Kröfur í tillögunni eru að mestu óbreyttar frá fyrra starfsleyfi. Þó má nefna að fyrirkomulagi er breytt á eftirliti með virkni olíuskilja. Í stað þess að mæla árlega olíu í fráveitu er reglan nú sú að fara skal yfir virknina hálfsárslega og ef hún er talin í lagi sé mælt á þriggja ára fresti. Með þessu er talið að eftirlit haldist gott en kostnaður lækki.

Rjúpnaveiðitímabilið í ár hefst á föstudaginn 29. október og stendur til sunnudagsins 5. desember. Veiðar eru heimilar föstudaga, laugardaga og sunnudaga á tímabilinu.Sölubann gildir áfram á rjúpu og öllum rjúpnaafurðum.

Umhverfisstofnun hefur ákveðið að taka þátt í þjóðarátaki um rafbílavæðingu Íslands. Samningur var undirritaður milli Umhverfisstofnunar og EVEN sem felur í sér staðfestingu á því að stofnunin tekur þátt í uppbyggingu hleðslukerfis fyrir bíla.

Í dag er bleiki dagurinn og eru landsmenn hvattir til að klæðast bleiku til tákns um samstöðu í baráttunni gegn krabbameinum hjá konum. Starfsfólk Umhverfisstofnunar mætti í bleiku eins og sjá má á meðfylgjandi mynd.

Svandís Svavarsdóttir umhverfisráðherra hefur ákveðið að fyrirkomulag rjúpnaveiða í haust verði óbreytt frá fyrra ári. Veiðitímabilið hefst föstudaginn 29. október og stendur til sunnudagsins 5. desember. Á tímabilinu verður heimilt að stunda veiðar á föstudögum, laugardögum og sunnudögum og verða veiðidagar því átján talsins.

Umhverfisstofnun hélt 8. september s.l. opinn kynningarfund í safnaðarheimilinu á Reyðarfirði um nýtt starfsleyfi fyrir Alcoa Fjarðaál sf. en vegna aukinnar framleiðslu þarf rekstraraðili að fá framleiðsluheimildir umfram það sem núverandi starfsleyfi gerir ráð fyrir.

Umhverfisstofnun hefur gefið út starfsleyfi fyrir Nesskel ehf. að rækta krækling og til lirfusöfnunar á fjórum stöðum í Hvammsfirði og þremur stöðum í Króksfirði og koma þau nánar fram í meðfylgjandi kortum í viðaukum starfsleyfisins ásamt hnitum svæðanna.

Umhverfisstofnun hélt 8. september s.l. opinn kynningarfund í safnaðarheimilinu á Reyðarfirði um nýtt starfsleyfi fyrir Alcoa Fjarðaál sf. en vegna aukinnar framleiðslu þarf rekstraraðili að fá framleiðsluheimildir umfram það sem núverandi starfsleyfi gerir ráð fyrir.

Umhverfisstofnun stendur nú fyrir „sketsakeppni“ meðal framhaldskólanema um norræna umhverfismerkið Svaninn og umhverfismál.

Umhverfisstofnun hélt opinn kynningarfund í Félagsheimilinu Blönduósi þann 15. september sl. þar sem kynnt var tillaga að starfsleyfi fyrir nýjan urðunarstað Norðurár bs. við Stekkjarvík. Guðmundur B. Ingvarsson hélt kynningu þar sem fjallað var almennt um starfsleyfi og sjálfa starfsleyfistillöguna.

Nú stendur yfir samgönguvika og í tilefni þess er hvatt til þess að fólk hugi að samgöngum með það að markmiði að draga úr mengun. Á morgun er bíllausi dagurinn.

Umhverfisstofnun hefur unnið tillögu að starfsleyfi fyrir urðunarstað Norðurár bs. við Stekkjarvík, í landi Sölvabakka, Blönduóssbæ. Haldinn verður opinn kynningarfundur þann 15. september í félagsheimilinu Blönduósi kl. 17. Allir velkomnir.

Kynningarráðstefna um sæfiefni var haldin að Borgartúni 35, 25. ágúst síðastliðinn. Að fundinum stóðu Umhverfisstofnun, Samtök iðnaðarins, Samtök verslunar og þjónustu og Félag atvinnurekenda. U.þ.b. 40 manns sóttu fundinn.

Umhverfisstofnun auglýsir tillögu að starfsleyfi fyrir álver Alcoa-Fjarðaáls sf. Tillagan mun liggja frammi ásamt umsóknargögnum á skrifstofu Fjarðabyggðar, Hafnargötu 2, Fjarðabyggð, á tímabilinu 19. ágúst til 14. október 2010.

Frá því í vor hefur Umhverfisstofnun rekið loftgæðamælistöð í Vík í Mýrdal til að fylgjast með öskufalli og síðan öskufoki vegna eldgossins í Eyjafjallajökli. Um helgina var stöðinni stolið og fannst hún út á golfvelli bæjarins í u.þ.b. kílómeters fjarlægð þar sem hún stóð.

Umhverfisstofnun hefur unnið tillögu að starfsleyfi fyrir urðunarstað Norðurár bs. við Stekkjarvík, í landi Sölvabakka, Blönduóssbæ. Samkvæmt tillögunni verður Norðurá heimilt að taka á móti allt að 21.000 tonnum af almennum og óvirkum úrgangi á ári til urðunar.

Á hverju ári er haldið upp á alþjóðlegan dag votlendis hjá aðildarríkjum Ramsar-samningsins og halda þjóðir á norðlægum slóðum upp á daginn þann 2. september. Ramsar-samningurinn dregur nafn sitt af borginni Ramsar í Íran þar sem hann var samþykktur árið 1971. Hann er fyrsti samningur sinnar tegundar sem fjallar um vernd og nýtingu ákveðinna búsvæða eða vistkerfa.

Hreint baðstaðavatn er mikilvægt fyrir ferðamannaþjónustu sem og plöntur og dýralíf. Árleg skýrsla um ástand baðstaðavatns sem gefin er út af Evrópuráðinu og Umhverfisstofnun Evrópu sýnir að 96% baðstaða við ströndlengjuna og 90% baðstaða við ár og vötn stóðust lágmarsksstaðla ársins 2009.

Veiðitímabil á öndum þ.e stokkönd, urtönd, rauðhöfðaönd, duggönd, skúfönd, hávellu og toppönd hefjast í dag miðvikudaginn 1. september. Helsingja er einnig leyfilegt að veiða frá og með deginum í dag utan Skaftafellssýslna en þar má ekki veiða helsingja fyrr en 25. september.

Samkvæmt 43. gr. náttúruverndarlaga, nr. 44/1999, er óheimilt að setja upp auglýsingar meðfram vegum eða annars staðar utan þéttbýlis. Aðeins er heimilt að setja upp látlausar auglýsingar um atvinnurekstur, þjónustu eða vörur á þeim stað þar sem slík starfsemi eða framleiðsla fer fram.

Kynningarráðstefna um sæfiefni verður haldin að Borgartúni 35, 6. hæð, 25. ágúst 2010, kl. 8:30-11:30.

Veiðitímabil á grágæs og heiðagæs hefst í dag föstudaginn 20. ágúst. Helsingja er leyfilegt að veiða frá 1. september utan Skaftafellssýslna en þar má ekki veiða helsingja fyrr en 25. september. Tilgangur friðunar á helsingja í Skaftafellssýslum er að vernda þann varpstofn sem hefur verið að ná fótfestu á undanförnum árum. Helsingi verpir ekki á Íslandi nema í Skaftafellssýslum svo vitað sé og þykir því sérstök ástæða til þess að veiðimenn sýni aðgát á þessu svæði. Blesgæs er áfram friðuð eins og undanfarin ár.

Veiðisvæði 9 verður lokað fyrir allar hreindýraveiðar frá og með 21. ágúst 2010. Svæðið samanstendur af Hornafirði, áður Mýrahreppi og Borgarhafnarhreppi (Suðursveit).

Umhverfisstofnun bárust nýlega umsóknir frá íslenskum vísindamönnum vegna rannsóknaleyfa til neðansjávarrannsókna sem fyrirhugaðar voru vegna komu M/Y Octopus rannsóknarskips til landsins. Skipið er ríkulega búið rannsóknartækjum og eru tveir kafbátar um borð sem nýta átti til rannsókna á sjávarbotni við friðlandið í Surtsey og á þeim náttúrufyrirbærum er finnast við hverastrýturnar í Eyjafirði, sem eru friðlýst náttúruvætti. Gögnum um líffræði- og jarðfræðileg einkenni svæðanna mun verða safnað, tekin verða myndbönd, myndir, hita- og seltustig verður mælt en ásamt því átti að safna siglingafræðilegum upplýsingum.

Norræn ráðstefna í Þrándheimi í Noregi 6.- 7. sept. 2010. Þar verður fjallað um hvernig nýta má á sjálfbæran hátt náttúru og menningarminjar í þágu ferðaþjónustu.

Árið 2010 hefur verið útnefnt ár líffræðilegrar fjölbreytni. Stöðugt hefur dregið úr líffræðilegri fjölbreytni á undanförnum áratugum og í kjölfar þess var Samningur Sameinuðu þjóðanna um líffræðilega fjölbreytni samþykktur árið 1992. Ísland hefur verið aðili að honum frá því að hann gekk í gildi árið 1993

Mikið hefur verið um að vera í Mývatnssveitinni í sumar. Baráttan við skógarkerfil og lúpínu hafa verið fyrirferðamestu og langstærstu verkefnin í sumar á verndarsvæði Mývatns og Laxár. Hafa landverðir notið aðstoðar fjölda sjálfboðaliða Umhverfisstofnunar, ásamt vinnuskólakrökkum frá Skútustaðahreppi og frá verkefni Landsvirkjunar „margar hendur vinna létt verk“.

Umhverfisstofnun hefur unnið tillögu að endurskoðaðri landsáætlun um úrgang og ber hún heitið Landsáætlun um úrgang 2010-2022. Nýrri áætlun er ekki ætlað að koma í stað eldri landsáætlunar sem gefin var út árið 2004, heldur byggja á hennar grunni og vera framhald á þeirri umfjöllun sem þar fór fram.

Umhverfisstofnun hélt opinn kynningarfund í anddyri Borga við Norðurslóð, Akureyri, þann 21. júlí sl. þar sem kynnt var tillaga að nýju starfsleyfi fyrir móttökustöð Hringrásar hf. að Ægisnesi 1, Akureyri. Starfsleyfið mun heimila Hringrás móttöku og meðhöndlun allt að 3900 tonna af úrgangi á ári, þ.e. spilliefnum, málmum og hjólbörðum, og mun verða gefið út til sextán ára.

Umhverfisstofnun hefur gefið út landsáætlun um loftgæði. Í henni er m.a. sagt frá helst áherslum stofnunarinnar í loftgæðamálum. Lögð er fram verkáætlun til ársins 2014 um frekari uppbyggingu mælinets og því hvernig miðlun upplýsinga um loftgæði sé best fyrir komið.

Umhverfisstofnun barst ábending frá Náttúrufræðistofnun Íslands um að fundist hefði eitraður sveppur á leikskólalóð á Akureyri. Tekið skal fram að búið er að tína burt alla sveppi af lóðinni.

Vatnshellir í Þjóðgarðinum Snæfellsjökli er vinsæll viðkomustaður gesta eftir að hann var gerður aðgengilegur fólki með talsveðum framkvæmdum. Hellirinn er því orðinn vel aðgengilegur fólki en jafnframt var honum lokað fyrir almennri umferð honum til verndar og verður eingöngu hægt að heimsækja hann með leiðsögn.

Í árlegu eftirlitsverkefni Hollustuháttahóps Umhverfisstofnunar og heilbrigðiseftirlits sveitarfélaga var gerð úttekt á þrifum og ýmsum öryggisatriðum í 85 íþróttahúsum á öllu landinu. Álag í mörgum íþróttahúsum er mjög mikið og sum þeirra í nær stanslausri notkun frá því snemma á morgnana og langt fram á kvöld.

The Environment Agency of Iceland (EA) monitors air quality in Iceland. During a volcanic eruption in Eyjafjallajökull, South-Iceland, which lasted for a few weeks, volcanic ash spread over the surrounding area. On windy days this ash is resubmitted to the air and as a result, particulate matter (PM10) concentration levels have been unusually high in the neighbourhood of the volcano.

Áherslur stjórnvalda til sjálfbærrar þróunar árin 2010 til 2013 voru samþykktar á fundi ríkisstjórnarinnar í gær að tillögu Svandísar Svavarsdóttur umhverfisráðherra. Áherslurnar byggja á stefnumörkun Íslands um sjálfbæra þróun sem ber yfirskriftina Velferð til framtíðar og var fyrst samþykkt í ríkisstjórn árið 2002.

Reglugerð um öryggi leikvallatækja og leiksvæða og eftirlit með þeim tók gildi árið 2003. Hún nær til allra leiksvæða hvort sem er innan dyra eða utan, skipulagt fyrir leik barna svo sem í eða við leikskóla, skóla, gæsluvelli og opin leiksvæði. Einnig leiksvæði annarra aðila þar sem börn eiga greiðan aðgang að eða ætlað börnum svo sem í eða við fjöleignarhús, frístundahús,tjaldsvæði, verslunarhúsnæði og samkomustaði.

Starfsfólk Umhverfisstofnunar voru 73 um miðjan maí en eru nú 123 talsins. Hjá stofnuninni eru nú 50 sumarstarfsmenn sem er talsvert meira en undanfarin ár. Á hverju sumri koma til starfa landverðir yfir sumartímann og eru þeir að þessu sinni 13 talsins. Við það bætast svo aðrir sumarstarfsmenn sem koma í gegnum átak Vinnumálastofnunar og félagsmálaráðuneytisins.

Ný gönguleið hefur verið stikuð yfir Goðahraun á Fimmvörðuhálsi. Liggur gönguleiðin m.a. um gígana Magna og Móða og er leiðin merkt með gulum stikum. Við val á gönguleið var haft í huga að röskun á nýja hrauninu yrði í lágmarki en jafnframt að ferðamaðurinn gæti notið hins stórkostlegu landslags og náttúruminja sem þar er að finna.

Þann 1. júlí sl. tók gildi ný reglugerð um kjölfestuvatn. Markmið reglugerðarinnar er að koma í veg fyrir að framandi lífverur og meinvaldar berist með kjölfestuvatni til hafsvæða og stranda umhverfis Ísland með ófyrirsjáanlegum afleiðingum.

Umhverfisstofnun hefur metið útstreymi þrávirkra lífrænna efna á Íslandi á tímabilinu 1990 til 2008. Þessum upplýsingum hefur verið skilað til Samningsins um loftmengun sem berst langar leiðir milli landa. Umhverfisstofnun hefur gert skýrslu um helstu niðurstöður og aðferðafræði við mat á útstreymi þessara efna. Skýrslan er á ensku og kallast Emissions of Persistent Organic Pollutants in Iceland 1990 - 2008.

Umhverfisráðherra hefur gefið út reglugerð nr. 514/2010 um styrk brennisteinsvetnis í andrúmslofti. Markmið reglugerðarinnar er að lágmarka loftmengun af völdum brennisteinsvetnis, setja umhverfismörk fyrir styrk þess í andrúmslofti sem miða að því að fyrirbyggja eða draga úr skaðlegum áhrifum á heilbrigði manna og umhverfið í heild, og tryggja nægilegar mælingar á styrk brennisteinsvetnis og miðla upplýsingum til almennings þar um.

Þó að Umhverfisstofnun fylgist með svifryksmengun á Suðurlandi í kjölfar gossins í Eyjafjallajökli er langt frá því að hægt sé að mæla styrkinn alls staðar. Stofnuninni hafa borist margar spurningar sem beinast að því hvernig sé hægt að greina styrk svifryks út frá öðru en mælingum. Umhverfisstofnun hefur því borið saman myndir frá vefmyndavél Mílu ehf. á Hvolsvelli við mælingar á því svæði og reynt að meta hvert skyggni er miðað við styrk svifryks.

Hreint hefur fengið vottun Norræna umhverfismerkisins Svansins fyrir ræstingarþjónustu. Strangar kröfur Svansins tryggja að fyrirtækið er í fremstu röð hvað varðar lágmörkun neikvæðra umhverfis- og heilsuáhrifa starfseminnar.

Svandís Svavarsdóttir umhverfisráðherra opnaði Surtseyjarstofu í Vestmannaeyjum í dag. Surtseyjarstofa er gestastofa fyrir friðlandið Surtsey. Þar er að finna fróðleik um friðlandið og heimsminjasvæðið Surtsey, skrifstofu Umhverfisstofnunar í Vestmannaeyjum og Surtseyjarsýning sem byggð er á sýningu Náttúrufræðistofnunar Íslands frá árinu 2007.

Greiða verður lokagreiðslu úthlutaðra hreindýraveiðileyfa í síðasta lagi 30. júní.

Umhverfisstofnun auglýsir tillögu að starfsleyfi fyrir Nesskel ehf. til kræklingaræktar og lirfusöfnunar í Hvammsfirði og Króksfirði.

Athygli er vakin á því að búið er að birta lista yfir virk efni í sæfiefnum sem hafa verið áhættumetin í ákveðnum sæfiefnaflokkum. Þessi listi verður uppfærður reglulega og fleiri virk efni birtast þar um leið og þau hafa verið áhættumetin.

Nokkuð hefur borið á því að undaförnu að aðilar sem taka að sér garðaúðun í atvinnuskyni bjóði jafnframt upp á það að úða gegn kóngulóm utan á húsum með sömu efnum og notuð eru til garðaúðunar. Samkvæmt reglum sem gilda um garðaúðun og reglugerð um meindýraeyða er ljóst að þeim sem hafa leyfi til garðaúðunar er ekki heimilt að bjóða upp á þess þjónustu.

Umhverfisstofnun hefur skilað skýrslu um losun gróðurhúsalofttegunda fyrir árið 2008 til Loftslagssamnings Sameinuðu þjóðanna. Árið 2008 var losunin 4,8 milljónir tonna CO2 - ígilda og jókst um 8% milli ára. Langstærstan hluta þeirrar aukningar má rekja til Fjarðaáls, sem var gangsett árið 2007 en komst í fulla framleiðslu árið 2008. Ísland er skuldbundið til þess að halda sig innan tiltekinna marka varðandi losun gróðurhúsalofttegunda. Samkvæmt spám Umhverfisstofnunar mun Ísland standa við sínar skuldbindingar gagnvart Kýótó-bókuninni, en ljóst er að svigrúm er ekki mikið.

Sunnudaginn 13. júní var haldinn dagur villtra blóma um öll Norðurlönd. Þetta er árviss viðburður og býðst fólki þá að fara í blómaskoðunarferðir víðs vegar. Þjóðgarðurinn Snæfellsjökull bauð upp á gönguferð um blómaskrúðið á Búðum í leiðsögn Guðrúnar Láru Pálmadóttur. Hún sagði jafnt frá eigileikum plantnanna sem og ýmsu skemmtilegu sem tengist þjóðtrú og plöntum. Fróðleikur um svæðið fylgdi með í kaupbæti en á Búðum er að finna margar merkar minjar frá búsetu, útræði og verslunarstöðum fyrri alda. Góð þátttaka var í göngunni og slógust 11 blómarósir í för með Guðrúnu Láru.

Skoðunarferðir að refagrenjum hafa verið fastur liður í dagskrá Þjóðgarðsins síðustu ár og notið vaxandi vinsælda, ekki hvað síst hjá yngri kynslóðinni. Þjóðgarðurinn hefur litið svo á að ferðirnar hafi bæði fræðslugildi og ekki síður uppeldislegt gildi þar sem börnin hafa lært hvernig nálgast má villt dýr með því að fara hljóðlega um landið og láta lítið fyrir sér fara.

Umhverfisráðherra, Svandís Svavarsdóttir staðfesti verndaráætlun þjóðgarðsins Snæfellsjökuls með undirritun þann 15. júní og opnaði við sama tækifæri Undirheima Vatnshellis.

Umhverfisstofnun gefur nú út starfsleyfi fyrir fiskimjölsverksmiðju Skinneyjar-Þinganess h.f. sem er rekstraraðili að fiskimjölsverksmiðjunni sem áður var rekin undir merkjum Óslands ehf. í Hornafirði.

Umhverfisstofnun hefur unnið tillögu að starfsleyfi fyrir móttökustöð Hringrásar hf. að Ægisnesi 1, Akureyri. Samkvæmt tillögunni verður Hringrás heimilt að taka á móti allt að 3900 tonnum af málmum, hjólbörðum og spilliefnum á ári til meðhöndlunar, þ.e. flokkunar, forvinnslu, pökkunar og geymslu.

Þann 1. júní sl. gaf Umhverfisstofnun út starfsleyfi fyrir urðunarstað Mýrdalshrepps við Uxafótarlæk. Tillaga að starfsleyfinu var auglýst á tímabilinu 2. mars - 3. maí 2010 en Umhverfisstofnun bárust engar athugasemdir. Samkvæmt hinu nýja starfsleyfi er Mýrdalshreppi heimilt að urða allt að 80 tonn af flokkuðum úrgangi á ári og er leyfið veitt til sextán ára. Urðunarstaðurinn telst þjóna afskekktri byggð og því eru í starfsleyfinu veittar undanþágur frá sumum þeirra krafna sem almennt eru gerðar til urðunarstaða, í samræmi við heimild í reglugerð um urðun úrgangs.

Undanfarna daga hefur borið á öskumistri á Suðurlandi sem náð hefur til höfuðborgarsvæðisins. Mistrið er truflun í skyggni vegna ösku sem veldur svifryksmengun. Þar sem ekki er um sýnilegt öskufall eða öskurok að ræða er almennt ekki ástæða til sérstakra aðgerða

Þjóðgarðurinn fékk góða heimsókn um 30 félaga úr Blindrafélaginu á Gestastofuna á fimmtudaginn s.l. með Jóni Hjartarsyni leiðsögumanni og leikara. Gestastofan var hönnuð með það í huga að eitthvað væri í boði fyrir öll skynfærin og allur texti hennar er aðgengilegur á blindraletri á íslensku og ensku. Hægt er að þreifa á alls kyns steinum, hrauni, ull, dúni, eggjum, beinagrindum, hvalskíðum og upphleyptu líkani af Snæfellsnesi, þefa, smakka og ganga á hrauni á skinnskóm svo eitthvað sé nefnt. Upphleypta líkanið af Snæfellsnesi vakti sérstaklega mikla lukku og skelltu nokkrir sér á topp Jökulsins!

Akstur utan vega virðist vera vaxandi vandamál á Íslandi. Margbrotin náttúra Íslands, sem er lítt snortin miðað við mörg þéttbýlli ríki, er eitt helsta aðdráttarafl þeirra sem ferðast um landið. Landið er víða viðkvæmt fyrir ágangi og gáleysislegur akstur getur valdið skemmdum á náttúrunni sem eru ár eða jafnvel áratugi að jafna sig.

Saga er níu ára stelpa sem ferðast mikið með foreldrum sínum. Eitt sinn þegar fjölskyldan var á ferðalagi birtist álfastrákurinn Jökull og þau Saga hafa síðan lent í ýmsum ævintýrum á Vesturlandi. Í þjóðgarðinum Snæfellsjökli skoðuðu þau lífið á fjörusteinum og létu hugann reika.

Árið 2010 hefur verið útnefnt ár líffræðilegrar fjölbreytni og í dag 22. maí er alþjóðlegur dagur líffræðilegrar fjölbreytni.

Strax og umfang og eðli gossins í Eyjafjallajökli var ljóst ákvað Umhverfisstofnun að setja upp svifryksmæli á áhrifasvæði öskufalls og var hann settur upp við Hæðargarð rétt hjá Kirkjubæjaklaustri að kvöldi þann 16. apríl. Kirkjubæjarklaustur er nokkuð austan við mesta öskufallið og vitað var að hærri gildi myndu mælast nær Eyjafjallajökli og undir Eyjafjöllum. Tilgangur mælinga var að afla upplýsinga um loftgæði í útjaðri svæðis þar sem gætti beins öskufalls og að veita upplýsingar um loftgæði þar, og þar með að hluta til nær gosstöðvunum.

Kaffihús Kaffitárs hlutu vottun norræna umhverfismerkisins Svansins föstudaginn 14. maí til staðfestingar á góðum árangri í umhverfismálum. Strangar kröfur Svansins tryggja að starfsemi Kaffitárs er í fremstu röð hvað varðar lágmörkun neikvæðra umhverfis- og heilsuáhrifa. Umhverfisráðherra, Svandís Svavarsdóttir, veitti leyfið.

Í gær og í dag hefur orðið nokkuð öskufall á svæðinu fyrir vestan Eyjafjallajökul, þ.m.t. á og við Hvolsvöll. Athygli hefur vakið að þrátt fyrir það mældist langt fram eftir degi lítið sem ekkert af svifryki á loftgæðamæli Reykjavíkurborgar sem nú er staðsettur á Hvolsvelli. Þetta stafar af því að með öskufallinu hefur verið rigning sem skolar fínni öskunni úr andrúmsloftinu og heldur henni niðri.

Mikið öskufall hefur verið í Vík í Mýrdal í gærkvöldi og nótt. Mælingar á svifryki sýndu talsverða hækkun í gærkvöldi og sólarhringsmeðaltal gærdagsins, 6. maí, var 418µg/m3 sem er langt yfir heilsuverndarmörkum. Nokkur klukkutímagildi í nótt voru með þeim hæstu sem mælst hafa frá því farið var að mæla svifryk á Íslandi. Fólki er eindregið ráðlagt að halda sig innan dyra við þessar aðstæður. Ef nauðsynlegt er að fara úr húsi er brýnt að nota rykgrímu og þétt hlífðargleraugu. Nauðsynlegt er að gera ráðstafanir til að þétta hurðir og glugga og hækka hitastig í íbúðum svo askan berist síður inn.

Umhverfisstofnun hefur fengið svifryksmæli að láni frá Kópavogsbæ og var hann settur upp við Heimaland, rétt austan við Seljaland þann 30. apríl sl. Hér er um að ræða fullkomna mælistöð sem greinir styrk SO2, H2S, PM10 og PM2.5 í andrúmslofti.

Að frumkvæði umhverfisráðuneytisins verður efnt til ráðstefnu í samstarfi við Landbúnaðarháskóla Íslands um votlendi og endurheimt þess. Titill ráðstefnunnar er Endurheimt votlendis - hvað þarf til? Ráðstefnan er haldin í tilefni alþjóðlegs árs líffræðilegrar fjölbreytni og í ljósi vaxandi umræðu um mikilvægi votlendis í loftslagsbreytingum.

Umhverfisstofnun hefur gefið út endurnýjað starfsleyfi fyrir fiskimjölsverksmiðju HB Granda á Vopnafirði. Starfsleyfið gefur rekstraraðila heimild til að framleiða fiskimjöl og lýsi úr fiski og fiskúrgangi í verksmiðjunni. Hámarksafköst verksmiðjunnar eru miðuð við að framleitt verði úr 850 tonnum af hráefni á sólarhring. Starfsleyfið gildir ekki um aðra vinnslu fiskafurða eða rekstur vélaverkstæðis.

Vegna ríkjandi austanáttar í dag og næstu daga liggur gjóskugeiri frá Eyjafjallajökli nú yfir Suðurlandsundirlendið. Vegna þessa má gera ráð fyrir mistri víða um Suðurland. Á höfuðborgarsvæðinu er mistur en styrkur svifryks og brennisteinsdíoxíðs er ekki hærri en oft mælist frá umferð á svæðinu. Mengunin er hins vegar útbreiddari en venjulega er frá umferðarmengun og því er mistrið meira áberandi. Styrkur svifryks mælist nú yfir umhverfismörkum á Hvolsvelli. Umhverfisstofnun bendir á að þeir sem eru með viðkvæm öndunarfæri geta fundið fyrir óþægindum og jafnframt er þeim sem eru með öndunarfæra- og hjartasjúkdóma bent á að vera ekki úti fyrir að óþörfu. Óþarft er að nota grímur nema í sýnilegu öskuufalli.

Ársskýrsla Umhverfisstofnunar er komin út á rafrænu formi. Meðal þess sem fjallað er um í skýrslunni er losun gróðurhúsalofttegunda frá flugi, Þjóðgarðurinn Snæfellsjökull, útiræktun á erfðabreyttu byggi og frábær árangur Svansmerkisins.

Dagur umhverfisins er haldinn 25. apríl ár hvert og í ár verður hann tileinkaður líffræðilegri fjölbreytni. Efnt verður til fjölda viðburða af þessu tilefni. Meðal annars mun Svandís Svavarsdóttir umhverfisráðherra afhenda viðurkenningar fyrir framlag til umhverfismála, þar á meðal náttúruverndarviðurkenningu Sigríðar í Brattholti sem nú verður afhent í fyrsta sinn.

Í dag var gefinn út á rafrænu formi þýddur bæklingur með leiðbeiningum um viðbúnað fyrir, eftir og meðan á öskufalli stendur. Þessi bæklingur er þýddur og staðfærður af Almannavarnadeild Ríkislögreglustjóra, Sóttvarnalækni, Umhverfisstofnun, Matvælastofnun og Rauða Krossi Íslands. Þetta er fyrsta útgáfa og er þess að vænta að bæklingurinn verði í stöðugri endurskoðun.

Mælingar á svifryki hófust við Hæðargarð rétt hjá Kirkjubæjarklaustri að kvöldi 16. apríl. Sólahringsmeðaltöl síðan mælingar hófust hafa verið sem hér segir.

Umhverfisstofnun hefur gefið út starfsleyfi fyrir Norðurskel ehf. til að rækta krækling og til lirfusöfnunar í Eyjafirði. Starfsleyfið nær til fjögurra skilgreindra svæða í Eyjafirðinum sem nánar koma fram í meðfylgjandi kortum í viðaukum starfsleyfisins ásamt hnitum svæðanna. Staðirnir eru við sunnanverða Hrísey, í Reitsvík og við Rauðuvík. Á fjórða svæðinu, frá Dagverðareyri og að Brávöllum fer fram lirfusöfnun.

Umhverfisstofnun hefur komið upp svifryksmæli við Kirkjubæjarklaustur í því skyni að fylgjast með áhrifum gjóskufalls á loftgæði austur af Eyjafjallajökli, í jaðri og utan við mesta áhrifasvæði gjóskufallsins.

Kynningarfundur um rannsóknir í Surtsey og verndun eyjarinnar verður haldinn í Svölukoti, Strandvegi 97, Vestmannaeyjum, laugardaginn 24. apríl. Á fundinum verður kynnt starfsemi Surtseyjarfélagsins og ný skýrsla um rannsóknir í Surtsey, samvinna við Umhverfisstofnun og Náttúrustofu Suðurlands í Vestmannaeyjum.

Ársfundur Umhverfisstofnunar fór fram föstudaginn 9. apríl fyrir fullum sal en um 180 manns mættu á fundinn og um 30 til viðbótar horfðu á hann í beinni útsendingu á vefnum. Svandís Svavarsdóttir, umhverfisráðherra ávarpaði fundinn. Í ávarpi sínu sagði Svandís að hún upplifði sterkt að góður starfsandi og kraftur væri í starfi Umhverfisstofnunar. Sérstaklega nefndi hún hinn góða árangur sem náðst hefur á undanförnum misserum í starfi Svansmerkisins og að hún teldi að á næstu árum yrði aukin áhersla á loftslagsmál. Fundarstjóri var Þórunn Sveinbjarnardóttir, formaður umhverfisnefndar Alþingis.

Á árinu 2009 lauk vinnu við verndaráætlun Þjóðgarðsins Snæfellsjökuls. Markmið áætlunarinnar er að tryggja vernd náttúru- og menningarminja. Í þessu felst m.a. að náttúra þjóðgarðsins fái að þróast eftir eigin lögmálum eins og kostur er, um leið og almenningi er gert kleift að njóta þess sem svæðið hefur upp á að bjóða.

Umhverfisstofnun minnir á að bannað er að aka utan vega og telur mikilvægt að fólk gangi vel um gossvæðið á ferðum sínum um það. Með vorinu fer frost úr jörðu á svæðinu og er jarðvegur mjög viðkvæmur fyrir umferð. Umhverfisstofnun vill þó benda á að heimilt er að aka utan vega á frosinni jörð sem er snævi þakin svo og á jöklum.

Farfuglaheimilunum í Laugardal og við Vesturgötu voru veitt vottun norræna umhverfismerkisins Svansins í dag til staðfestingar á góðum árangri í umhverfismálum. Strangar kröfur Svansins tryggja að starfsemi farfuglaheimilanna er í fremstu röð hvað varðar lágmörkun neikvæðra umhverfis- og heilsuáhrifa. Umhverfisráðherra, Svandís Svavarsdóttir, veitti leyfið.

Náttúra, menningarminjar og ferðaþjónusta – Norræn ráðstefna þar sem fjallað er um hvernig nýta má náttúru og menningarminjar í ferðaþjónustu. Ráðstefnan verður haldin í Þrándheimi í Noregi 20. - 21. apríl 2010. Tilkynning um þátttöku hefur verið framlengd til 8. apríl.

Á þessum árstíma, um miðja nítjándu öld, stóð vetrarvertíð sem hæst í Dritvík. Dvölin þar hlýtur oft að hafa verið kalsasöm í vályndum veðrum og vinnan erfið. Til að fá smjörþef af aðbúnaði manna við þær aðstæður bjóða Þjóðgarðurinn Snæfellsjökull og Söguferðir Sæmundar upp á gönguferð um slóðir vermannanna laugardaginn 3. apríl.

Umhverfisstofnun heldur ársfund föstudaginn 9. apríl. Nils Hallberg frá sænsku Umhverfisstofnuninni mun flytja erindi um Fugla- og búsvæðatilskipun ESB. Einnig verða flutt 15 stutt erindi um starfsemi stofnunarinnar á síðasta ári. Meðal umræðuefna verða losun gróðurhúsalofttegunda frá flugi, Þjóðgarðurinn Snæfellsjökull, útiræktun á erfðabreyttu byggi og frábær árangur Svansmerkisins.

Í Umhverfisteiknum Umhverfisstofnunar Evrópu 2010 birtast sex frásagnir af fólki og sambandi þess við umhverfið. Þessir sjónarvottar leiða þig á bæði kunnuglegar og framandi slóðir og kynna fyrir þér undirstöður lífs á jörðinni – vatn, jarðveg og loft. Frásagnir þeirra eru persónulegar og staðbundnar en en erindi þeirra almennt og alþjóðlegt.

Síðasti greiðsludagur staðfestingargjaldsins er miðvikudagurinn 31.mars. Ekki er hægt að greiða 1. apríl. Ef greiðsla berst ekki fyrir tilskilinn tíma hefur veiðimaður afsalað sér úthlutuðu leyfi og því verður úthlutað til næsta manns í biðröð.

Norræna umhverfismerkið Svanurinn fagnar 20 ára afmæli sínu í ár. Jafnhliða því hefur Svanurinn náð þeim merka áfanga að alls er búið að veita 2000 Svansleyfi fyrir ýmis konar vörur og þjónustu. Það er tölvuframleiðandinn Lenovo sem hefur orðið þess heiðurs aðnjótandi að fá tvöþúsundasta Svansleyfið. Það er gefið út fyrir orkusparandi tölvur.

Út er komin Skýrsla um skoðun á hita og loftræstikerfum. Skýrslan er afrakstur samstarfs Umhverfisstofnunar, heilbrigðiseftirlits sveitarfélaganna og Lagnafélags Íslands. Meðal þess sem kemur fram í skýrslunni er að upplýsingar vantaði frá hönnuðum um, hönnunarforsendur, kerfismyndir, kerfislýsingu, samvirkni tækja og tækjalista, rafstýriteikningar og stilliskýrslur frá iðnaðarmönnum.

Í tilefni af degi vatnsins verður haldin ráðstefna í Víðgelmi, Orkugarði við Grensásveg 9, þann 22. mars frá 13-16. Hinn árlegi dagur vatnsins er helgaður umræðu um sértæk viðfangsefni sem varða vatn og verndun vatnsauðlindarinnar. Viðfangsefnið í ár er að miðla upplýsingum um tækifæri og hættur sem varða vatnsgæði og stuðla að því að vatnsgæði skipi þýðingarmikinn sess í vatnsstjórnun. Markmið ráðstefnunnar er að vekja umræðu hérlendis meðal hagsmuna- og eftirlitsaðila um vatnsgæði og stjórnun vatnsauðlindarinnar.

Miðvikudaginn 24. mars næstkomandi verður haldið málþing um jarðminjagarða (Geoparks) á Íslandi í Salnum, Hamraborg 6, Kópavogi.

Málþing á vegum Umhverfisstofnunar um skotveiðar á Íslandi verður haldið á Grand Hótel laugardaginn 20.mars. Á málþinginu verða flutt erindi um helstu veiðitegundir á Íslandi, veiðistjórnun, sjálfbærar veiðar og veiðitölur. Allir velkomnir.

Umhverfisstofnun auglýsir tillögu að endurnýjuðu starfsleyfi fyrir fiskimjölsverksmiðju Skinneyjar-Þinganess hf. þar sem heimilað verði að framleiða fiskimjöl og lýsi úr fiski og fiskúrgangi í verksmiðjunni, auk framleiðslu á meltu frá hraðfrystihúsi rekstraraðila. Hámarksafköst verksmiðjunnar eiga samkvæmt tillögunni að miðast við að framleitt verði úr 900 tonnum af hráefni á sólarhring.

Verkefnisstjórn 2. áfanga Rammaáætlunar um vernd og nýtingu náttúrusvæða með áherslu á vatnsafl og jarðhitasvæði boðar til opins kynningarfundar í Skriðunni (Háskóla Íslands - Stakkahlíð) þriðjudaginn 9. mars kl. 14:00.

Framkvæmdastjórn Evrópusambandsins og Umhverfisstofnun Evrópu opnuðu nýlega vefsíðu með ítarlegri skrá um losun og dreifingu mengandi efna (E-PRTR). Upplýsingar eru aðgengilegar í gegnum landakort af Evrópu. Skráin geymir upplýsingar um magn og staðsetningu mengunar af völdum iðnaðar sem er losuð út í andrúmsloftið, vatn eða jarðveg. Upplýsingar um 91 efni frá yfir 24.000 fyrirtækjum í 65 iðnaðargreinum er að finna í skránni. Einnig eru upplýsingar um magn og gerð úrgangs sem eru flutt frá fyrirtækjum til meðhöndlunar innanlands sem utan í hverju landi fyrir sig.

Svanurinn náði góðum árangri á árinu 2009. Mikill áhugi er meðal íslenskra fyrirtækja fyrir Svansvottun í kreppunni. Ein af ástæðum þessa aukna áhuga fyrir vottun er vistvæn innkaupastefna ríkisins sem var innleidd í vor. Stefnan hefur að leiðarljósi að minnka umhverfisáhrif opinberra innkaupa og bæta samkeppnishæfni íslenskra fyrirtækja sem þurfa að bjóða umhverfisvænni valkosti til að mæta kröfum ríkisins.

Í tilefni af 20 ára afmæli umhverfisráðuneytisins hefur Svandís Svavarsdóttir umhverfisráðherra ákveðið að heiðra minningu Sigríðar Tómasdóttur í Brattholti með því að afhenda náttúruverndarviðurkenningu Sigríðar Tómasdóttur á degi umhverfisins sem haldinn er þann 25. apríl ár hvert. Viðurkenningin verður afhent einstaklingi sem hefur unnið markvert starf á sviði náttúruverndar.

Norræna umhverfismerkið Svanurinn býður til hugarflugsfundar þann 11. mars vegna undirbúnings markaðsátaks í maí. Í tilefni 20 ára afmæli Svansins undirbýr Umhverfisstofnun markaðsátak til að efla umhverfismerkta vöru og þjónustu á Íslandi. Umhverfisstofnun leitar nú að samstarfsaðilum meðal smásöluverslana, heildsala, innflutningsaðila, leyfishafa og umsækjenda Svansins til að taka þátt í átakinu.

Umhverfisstofnun hefur unnið tillögu að starfsleyfi fyrir urðunarstað Mýrdalshrepps við Uxafótarlæk, Mýrdalshreppi. Samkvæmt tillögunni verður Mýrdalshreppi heimilt að urða allt að 80 tonn af byggingarúrgangi og seyru á ári en starfsleyfi verður gefið út til sextán ára.

Umhverfisráðuneytið og fjármálaráðuneytið boða til ráðstefnu um vistvæn innkaup á Grand Hótel föstudaginn 5. mars 2010. Ráðstefnan er öllum opin og fer skráning fram á heimasíðu umhverfisráðuneytisins.

Útdráttur hreindýraveiðileyfa fór fram á Egilsstöðum laugardaginn 20. febrúar. Alls bárust 3.737 gildar umsóknir um þau 1.272 dýr sem voru í boði þetta árið. Útdrátturinn var sendur út beint á veraldarvefnum. Um 2700 tölvur tengdust útdrættinum í beinni og auk þess höfðu um kvöldið um 2000 horft á upptöku.

Af þeim 3.737 gildu umsóknum sem bárust um hreindýraveiðileyfi nú í ár voru 33 á svokölluðum fimm skipta lista sem kynntur var hér á síðunni fyrir skömmu. Af þeim 33 fengu 16 af þessum lista úthlutun í útdrættinum þannig að eftir standa 17 og verða þeir teknir fram fyrir biðlista. Hér að neðan er tafla sem sýnir hvernig fimm skipta umsóknir dreifðust á svæði, hvernig úthlutanir fóru og hversu margir fara fram fyrir á biðlista.

Frestur til að sækja um hreindýraveiðileyfi á miðnætti 15. febrúar. Alls bárust um 3.800 umsóknir um þau 1.272 dýr sem leyfi verða gefin út fyrir. Dregið verður úr hreindýraveiðileyfum á laugardaginn 20.febrúar kl 14:00 í húsakynnum Þekkingarnets Austurlands. Hægt verður að fylgjast með útdrættinum á veraldarvefnum og má nálgast slóðina hér á vef Umhverfisstofnunar þegar þar að kemur.

Ýmsar kynjaverur lögðu leið sín í Mývatnsstofu á öskudaginn eins og sjá má af meðfylgjandi myndum. Sungu þær sér inn mandarínur og heyra mátti lög eins og Bubbi byggir, Grænmetislagið á íslensku og dönsku, Þorraþrælinn og Sveitin mín ásamt öskudagslögum sem leikskólabörnin sungu.

Tæting og förgun tóbaks frá Póllandi hefur verið stöðvuð að beiðni Umhverfisstofnunar. Umhverfisstofnun mun hafa samband við yfirvöld í Póllandi vegna málsins og í framhaldinu taka frekari ákvarðanir í málinu, þ.m.t. um mögulega endursendingu.

Síðasti dagur til þess að sækja um hreindýraveiðileyfi er 15. febrúar næstkomandi. Dregið verður úr gildum umsóknum laugardaginn 20. febrúar. Þau nýmæli verða nú að þeir sem hafa ekki fengið úthlutað leyfi síðustu fimm umsóknir sínar fara fram fyrir í biðröð fái þeir ekki úthlutað nú.

Umhverfisráðherra hefur staðfest og birt nýja gjaldskrá fyrir Umhverfisstofnun. Um er að ræða hækkun á tímagjaldi sem og eftirlits- og leyfigjöldum stofnunarinnar frá eldri gjaldskrá í samræmi við hækkun vísitölu. Jafnframt eru nokkur nýmæli í gjaldskránni og má þar nefna:

Á síðasta ári fékk Landhelgisgæslan nýja eftirlits- og leitarflugvél og er hún búin margvíslegum búnaði til mengunareftirlits. Koma vélarinnar boðar byltingu í eftirliti, s.s. með mengun á hafsvæðinu umhverfis Ísland. Fulltrúar Umhverfisstofnunar kynntu sér vélina á dögunum.

Umhverfisstofnun hefur gefið út starfsleyfi fyrir Carbon Recycling International ehf. og fyrirtækinu þar með heimilað að reka verksmiðju þar sem tilraun er gerð til að framleiða metanól úr koldíoxíði. Umhverfisstofnun auglýsti tillögu að starfsleyfi fyrir verksmiðjuna á tímabilinu 23. október til og með 18. desember 2009 og bárust tvær athugasemdir.

Umhverfisstofnun barst tilkynning um að hvítabjörn hafi gengið á land í Þistilfirði í dag. Umhverfisstofnun vinnur nú að viðbrögðum í samráði við lögreglu og önnur yfirvöld. Mat lögreglu á aðstæðum eru að nauðsynlegt sé að fella björninn við fyrsta tækifæri og tekur Umhverfisstofnun undir það. Niðurstaða starfshóps um viðbrögð við landgöngu hvítabjarna sem skipuð var í kjölfar landgöngu tveggja hvítabjarna árið 2008 var fella beri hvítabirni sem ganga á land. Fyrir því eru þrenn meginrök, í fyrsta lagi öryggissjónarmið, í öðru lagi stofnstærðarrök og í þriðja lagi kostnaður við björgunaraðgerðir. Til þess að reyna björgun þurfa að vera ákjósanlegar aðstæður, s.s. að fólki standi ekki hætta af, skyggni sé gott og tryggt sé að dýrið sleppi ekki út í vatn eða sjó. Aðstæður í Þistilfirði eru ekki ákjósanlegar til þess að reyna björgun.

Hvítabjörn gekk á land í Þistilfirði þann 27. janúar og var felldur klukkan 15:40. Ákvörðun um að fella björninn var tekin á grundvelli niðurstöðu starfshóps, sem í kjölfar þess að tveir hvítabirnir gengu á land árið 2008, vann skýrslu um viðbrögð við landgöngu hvítabjarna fyrir umhverfisráðherra. Niðurstaða starfshópsins var sú að fella beri hvítabirni sem ganga á land. Fyrir því eru þrenn meginrök, í fyrsta lagi öryggissjónarmið, í öðru lagi stofnstærðarrök og í þriðja lagi kostnaður við björgunaraðgerðir. Til þess að reyna björgun þurfa að vera ákjósanlegar aðstæður, s.s. að fólki standi ekki hætta af, skyggni sé gott og tryggt sé að dýrið sleppi ekki út í vatn eða sjó. Aðstæður í Þistilfirði voru ekki ákjósanlegar til þess að reyna björgun. Tekin verða sýni úr birninum til rannsókna.

Umhverfisráðuneytið hefur að tillögu Umhverfisstofnunar ákvarðað hreindýraveiðikvóta ársins 2010 og tilhögun veiða. Auglýsing þess efnis mun birtast í Lögbirtingarblaðinu á næstu dögum og öðlast hún þá gildi.

Næstu daga verða send út aðgangsorð til þeirra 16.500 veiðimanna sem við höfum netfangið hjá. Þeir tæplega 5.000 veiðimenn sem ekki eru með netfang fá senda veiðiskýrslu í pósti öðru hvoru megin við helgina. Nokkrar breytingar hafa verið gerðar á skilavefnum. Nú er hægt að fá sent glatað lykilorð í tölvupósti á eigið netfang sem er skráð hjá Umhverfisstofnun. Þær breytingar hafa verið gerðar á greiðsluferlinu að ef umsækjandi greiðir með kreditkorti er gjaldfært strax af kortinu og staðfestingartölvupóstur sendur umsækjenda. Þegar umsækjandi hefur lokið skilum á veiðiskýrlsu og umsóknum fær hann staðfestingu í tölvupósti

Náttúra, menningarminjar og atvinnusköpun – Norræn ráðstefna þar sem fjallað er um hvernig nýta má náttúru og menningarminjar til atvinnusköpunar og þróunar.

Opinn kynningarfundur var haldinn í Miklagarði, félagsheimili Vopnafjarðar 14. janúar 2009 kl. 17 þar sem ferill við gerð starfsleyfa og tillaga að starfsleyfi fyrir fiskimjölsverksmiðju HB Granda var kynnt nánar.

Samningur Sameinuðu þjóðanna um líffræðilega fjölbreytni hefur útnefnt árið 2010 sem ár líffræðilegrar fjölbreytni. Ætlunin er að vekja athygli á málefnum líffræðilegrar fjölbreytni og þeim afleiðingum sem rýrnun hennar getur haft í för með sér. Leitast verður við að fá sem flesta til að taka þátt í að viðhalda líffræðilegri fjölbreytni.

Umhverfisstofnun auglýsir námskeið í landvörslu. Þátttaka í námskeiðinu veitir landvarðaréttindi. Námskeiðið er 110 tímar og gjald kr. 120.000. Námskeiðið hefst 18. febrúar og lýkur 21. mars n.k. Kennt er um helgar, milli 10 og 18, og á kvöldin á virkum dögum, milli 17 og 22. Einnig er fimm daga vettvangs- og verkefnaferð.

Eitrunarmiðstöð Landspítalans hefur vakið athygli á því að hægt er að kaupa á netinu svokallaða „kraftaverkalausn“ MMS (Miracle Mineral Solution) sem valdið getur alvarlegum veikindum og jafnvel dauða. Þessi lausn er einnig kölluð kraftaverkaefni (Miracle Mineral Supplement). Í þessari lausn er 28% natríum klórít (NaClO2 ) sem er ætlað að lækna marga sjúkdóma allt frá alnæmi til berkla. Engin vísindaleg gögn liggja fyrir sem styðja notkun þessarar lausnar við sjúkdómum. Natríum klórít er eitur sem valdið getur metrauðablæði (methemoglobulinemia), skemmdum á rauðum blóðkornum og nýrnabilun.

Stærsta prentsmiðja landsins hefur fengið vottun norræna umhverfismerkisins Svansins. Prentsmiðjan Oddi hefur náð þeim árangri að standast kröfur Svansins. Það tryggir að fyrirtækið er í fremstu röð hvað varðar lágmörkun neikvæðra umhverfis- og heilsuáhrifa.

Umhverfisstofnun auglýsir tillögu að starfsleyfi til handa HB Granda h.f. til reksturs fiskimjölsverksmiðju á Vopnafirði þar sem framleitt verður fiskimjöl og lýsi úr fiski og fiskúrgangi. Í tillögunni er gert ráð fyrir að hámarksafköst verksmiðjunnar séu miðuð við að framleitt verði úr 850 tonnum af hráefni á sólarhring.

Þriðjudaginn 12. janúar kl. 12.00-13.30 verður haldið 16. stefnumót umhverfisráðuneytisins og Stofnunar Sæmundar fróða.