Losun frá landnotkun

Losun sem kemur frá flokknum landnotkun, breytt landnotkun og skógrækt (LULUCF) fellur ekki undir skuldbindingar Íslands í loftslagsmálum (sjá frekar um skuldbindingar Íslands hér). Binding kolefnis úr andrúmslofti sem á sér stað t.d. við skógrækt eða endurheimt votlendis er talin fram undir flokknum LULUCF og getur Ísland talið sér þá losun til tekna á móti annarri losun, upp að vissu marki.

Losun gróðurhúsalofttegunda á Íslandi, með LULUCF(kt CO₂-ígildi).

Losun frá LULUCF er há á Íslandi miðað við heildarlosun Íslands frá öðrum flokkum og var nettó losunin metin sem 9.010 kt. CO₂-íg. (losun – binding kolefnis=nettó losun). Losun frá LULUCF skal túlka með nokkrum fyrirvara þar sem óvissa varðandi losunarstuðla og uppsprettur er veruleg.

Skipting losunar og bindingar frá LULUCF 1990 – 2018 (kt CO₂-ígildi).

Ísland hefur heimild, í samræmi við 3.gr. 3. og 4. mgr. Kýótó-bókunarinnar til að telja sér bindingu kolefnis til tekna. Tafla 1 hér að neðan sýnir fjölda bindingareininga (í þúsundum) sem Ísland gat nýtt sér á fyrsta tímabili Kýótó-bókunarinnar (2008-2012). Hver eining samsvarar einu tonni af CO₂-íg.

Tafla 2 sýnir fjölda bindingareininga (í þúsundum) sem Ísland getur talið sér til tekna eftir fyrstu sex árin sem liðin eru á öðru skuldbindingartímabili Kýótó-bókunarinnar. Þar sést að binding kolefnis hefur aukist ár frá ári á tímabilinu, og fór úr 424 kt. CO₂-íg. árið 2013 í 598 kt CO₂-íg. árið 2018.