Vatnasvið Jökulsár á Fjöllum, rammaáætlun

Þann 18. október 2018 lagði Umhverfisstofnun fram til kynningar tillögu að friðlýsingu vatnasviðs Jökulsár á Fjöllum: 12 Arnardalsvirkjun og 13 Helmingsvirkjun á grundvelli flokkunar svæðisins í verndarflokk verndar- og orkunýtingaráætlunar, sbr. ályktun Alþingis nr. 13/141, frá 14. janúar 2013.

Lögð var fram tillaga að auglýsingu um friðlýsingu svæðisins og kort þar sem tillaga að mörkum svæðisins var dregin upp.

Tillagan byggir á 53. gr. náttúruverndarlaga nr. 60/2013. 
Frestur til að skila athugasemdum var til og með 23. janúar 2019. 
Umhverfisstofnun hefur nú tekið saman umsögn um framkomnar athugasemdir við tillöguna og vísað tillögu að friðlýsingarskilmálum til ráðherra skv. 2. mgr. 39. gr. laga um náttúruvernd nr. 60/2013.


Greinargerð Umhverfisstofnunar um framkomnar athugasemdir
Tillaga Umhverfisstofnunar að auglýsingu svæðisins

Vatnasvið Jökulsár á Fjöllum 12 Arnardalsvirkjun og 13 Helmingsvirkjun á Fljótsdalshéraði, í Norðurþingi, Skútustaðahreppi og Þingeyjarsveit var þann 10. ágúst 2019 friðlýst gagnvart orkuvinnslu á grundvelli 53. gr. laga nr. 60/2013, um náttúruvernd og sbr. ályktun Alþingis nr. 13/141, frá 14. janúar 2013.
Verndarsvæðið er 3.453 km² að stærð.

Auglýsing um verndarsvæði á Norðurlandi- vatnasvið Jökulsár á Fjöllum ásamt korti