Gjástykki, rammaáætlun

Háhitasvæði Gjástykkis, rammaáætlun

Þann 24. júlí 2019 lagði Umhverfisstofnun fram til kynningar tillögu að friðlýsingu háhitasvæðis Gjástykkis: 100 Gjástykki á grundvelli flokkunar svæðisins í verndarflokk verndar- og orkunýtingaráætlunar, sbr. ályktun Alþingis nr. 13/141, frá 14. janúar 2013.

Lögð var fram tillaga að auglýsingu um friðlýsingu svæðisins og kort þar sem tillaga að mörkum svæðisins var dregin upp.


Tillagan byggir á 53. gr. náttúruverndarlaga nr. 60/2013. 

Frestur til að skila athugasemdum var til og með 30. október 2019.

Umhverfisstofnun hefur nú tekið saman umsögn um framkomnar athugasemdir við tillöguna og vísað tillögu að friðlýsingarskilmálum til ráðherra skv. 2. mgr. 39. gr. laga um náttúruvernd nr. 60/2013.

Háhitasvæði Gjástykkis: 100 Gjástykki var þann 1. apríl 2020 friðlýst gagnvart orkuvinnslu á grundvelli 53. gr. laga nr. 60/2013, um náttúruvernd og sbr. ályktun Alþingis nr. 13/141, frá 14. janúar 2013.
Verndarsvæðið er 52 km² að stærð.

Auglýsing um verndarsvæði Gjástykkis: 100 Gjástykki ásamt korti