Innskráning
Gagnagátt Þjónustugátt
Takki á minar.stillingar.is
close menu

Störf í boði

Foss_Canva.png (2590029 bytes)

Vilt þú starfa með okkur?

Hjá Umhverfisstofnun starfar öflugur hópur sérfræðinga með fjölbreyttan bakgrunn að verndun náttúru og umhverfis. 

Vinnustaðurinn okkar er fjölbreyttur og lifandi. Við störfum í teymum, vítt og breitt um landið eftir vottuðum gæðakerfum. Við höfum tækifæri til að þróast í starfi og ástunda endurmenntun.

Starfsmannafélagið er öflugt og við fylgjum að sjálfsögðu metnaðarfullri umhverfisstefnu sem hjálpar okkur að vera til fyrirmyndar í umhverfismálum. 

Stafræn þróun er áhersluverkefni og við tökum fagnandi á móti nýju fólki sem hefur þekkingu og áhuga á stafrænum lausnum.

Landverðir eru stór hluti starfsmannahópsins og starfa á friðlýstum svæðum, náttúruverndarsvæðum í okkar umsjón. Landverðir eru framverðir okkar á vettvangi og við erum stolt af þeirra vinnu.

Við leggjum áherslu á öflugt nýliðamóttökuferli sem undirbýr fólkið okkar vel undir verkefni sín. 

Umhverfisstofnun er jafnlaunavottaður vinnustaður og við vinnum auk þess eftir vottuðu gæðakerfi og umhverfisstjórnunarstaðlinum.

Umhverfisstofnun starfar á níu starfsstöðvum um landið og auglýsir hartnær öll störf sín með vali um staðsetningu.

Hvar má bjóða þér að vinna? Valið er þitt!

Nánar um vinnustaðinn okkar

 

Störf laus til umsóknar

Sérfræðingar á sviði starfsleyfa

Umsóknarfrestur

28.08.2024 til 09.09.2024

Inngangur

Umhverfisstofnun veitir fjölbreytta þjónustu og tekur ákvarðanir er varða umhverfisgæði og náttúruvernd. Teymi starfsleyfa og umsagna gegnir lykilhlutverki fyrir heilnæmi og verndun umhverfis. Stafræn þróun er áhersluverkefni hjá stofnuninni og við tökum fagnandi á móti nýju fólki sem hefur þekkingu og áhuga á stafrænum lausnum. Stofnunin er mönnuð öflugu fólki á starfsstöðvum um allt land.

Hjá Umhverfisstofnun eru laus til umsóknar tvö störf sérfræðinga í vinnslu starfsleyfa. Stofnunin gefur út starfsleyfi fyrir rekstraraðila í starfsemi sem felur í sér losun mengandi efna og annars umhverfisálags. Útgáfa starfsleyfa byggir m.a. á löggjöf Evrópska efnahagssvæðisins og stefnu stjórnvalda þar um. Störfin eru á sviði efna, starfsleyfa og veiðistjórnunar í teymi starfsleyfa og umsagna. Sérfræðingarnir munu einnig taka þátt í vinnu við endurskoðun laga og reglugerða , ritun umsagna og rýni verkefni annara sérfræðinga í teyminu.

Starf annars sérfræðingsins snýr að útgáfu starfsleyfa almennt,  en hinn sérfræðingurinn mun sérhæfa sig í útgáfu leyfa vegna fiskeldis.

Hvar má bjóða þér að vinna?

Umhverfisstofnun starfar á níu starfsstöðvum um landið. Valið stendur um Hellissand, Patreksfjörð, Ísafjörð, Akureyri, Mývatn, Egilsstaði, Hellu, Hvanneyri og Reykjavík. 

Helstu verkefni og ábyrgð

  • Móttaka og vinnsla starfsleyfisumsókna fyrir mengandi starfsemi
  • Samskipti við umsóknaraðila og samstarfsaðila
  • Fjölbreytt greiningarvinna í verkefnum teymisins
  • Teymisvinna um verkefni og umbætur

Hæfniskröfur

  • Menntun á sviði náttúruvísinda eða verkfræði, meistaragráða er æskileg
  • Þekking og/eða reynsla af mengunarvörnum eða iðnaði er kostur
  • Gott vald á íslensku og ensku bæði í ræðu og riti
  • Góð samstarfshæfni og sveigjanleiki í samskiptum
  • Skipulögð og sjálfstæð vinnubrögð
  • Þekking á opinberri stjórnsýslu er kostur
  • Haldbær þekking á einu Norðurlandamáli er kostur
     

Tengiliðir

Skúli Þórðarson - skuli.thordarson@umhverfisstofnun.is - 5912000

Þóra Margrét Pálsdóttir Briem - thora.m.briem@umhverfisstofnun.is - 5912000

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélags hafa gert.

Næsti yfirmaður sérfræðingsins er Skúli Þórðarson  sviðsstjóri, en Sverrir Aðalsteinn Jónsson teymisstjóri  veitir einnig nánari upplýsingar um starfið auk Þóru Margrétar Pálsdóttur Briem mannauðsstjóra í síma 591 2000.

Umhverfisstofnun er fjölbreyttur og lifandi vinnustaður. Við búum yfir fjölbreyttri sérfræðiþekkingu, höfum tækifæri til að þróast í starfi og ástunda endurmenntun. 

Við störfum í teymum, vítt og breitt um landið á 9 starfsstöðvum og eftir vottuðum gæðakerfum. Við erum með jafnlaunavottun, með virka umhverfisstefnu og störfum samkvæmt Grænum skrefum, graenskref.is. Í júní sl. voru samþykkt lög á Alþingi um breytingar á stofnanaskipulagi umhverfis-, orku- og loftslagsráðuneytisins. Samkvæmt þeim mun sá hluti Umhverfisstofnunar er auglýst sérfræðingsstörf tilheyra sameinast Orkustofnun í nýja Umhverfis- og orkustofnun um næstu áramót.

Sjá nánari upplýsingar um Umhverfisstofnun á umhverfisstofnun.is

Gagnkvæmur reynslutími er sex mánuðir við ráðningu. Æskilegt er að sérfræðingurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.

Við hvetjum áhugasöm til að sækja um, óháð kyni og uppruna. 

Starfshlutfall er 100%

Umsóknarfrestur er til og með 09.09.2024

Sækja um