Eftirlit með plöntuverndarvörum á markaði 2024

Tilgangur og markmið:

• Að ganga úr skugga um að plöntuverndarvörur sem eftirlitsþegi setur á markað séu með markaðsleyfi í gildi.
• Að athuga hvort merkingar umbúða séu í samræmi við gildandi reglur þar um.

Framkvæmd og helstu niðurstöður:

Farið var í eftirlit í maí 2024 hjá fyrirtækjum sem setja plöntuverndarvörur á markað. Úrtakið í eftirlitinu náði til 41 mismunandi plöntuverndarvara í heild. Allar plöntuverndarvörur sem fundust í sölu hjá fyrirtækjunum voru kannaðar með tilliti til markaðsleyfa, sbr. reglugerð nr. 544/2015 um plöntuverndarvörur og merkinga á umbúðum varanna, sbr. reglugerð nr 415/2014 um flokkun, merkingu og umbúðir efna eða efnablandna, reglugerð nr. 544/2015 um plöntuverndarvörur og reglugerð nr. 1002/2014 um gagnkvæma viðurkenningu á tilteknum markaðsleyfum fyrir plöntuverndarvörum.

Eftirfarandi eftirlitsþegar féllu undir umfang verkefnisins:

Samtals voru skoðuð 54 eintök af plöntuverndarvörum og þar af fundust eitt eða fleiri frávik við átta vörur, sem gerir tíðni frávika um 15%. Fimm frávikanna voru vegna ófullnægjandi merkinga og þrjú vegna vara með útrunna undanþágu frá markaðsleyfi. Umhverfisstofnun gerði kröfur um úrbætur sem fyrirtækin hafa brugðist við með fullnægjandi hætti.