Síðustu daga hefur Umhverfisstofnun borist ábendingar um mengunarlykt og blámóðu í Reykjanesbæ.

Þá daga sem ábendingar hafa borist hefur hins vegar mælst lítil gasmengun (SO₂) frá nýja hrauninu. Það gas sem berst frá hrauninu getur hins vegar hvarfast yfir í SO4 agnir sem geta verið ertandi í hálsi fyrir viðkvæma. Hækkun á fínu svifryki (PM2,5 og PM1) getur verið vísbending um að gosmóða sé til staðar og blámóða sem hefur orðið vart við er af völdum þessara brennisteinsagna frá hrauninu.

Brennisteinsvetni (H₂S) hefur einnig mælst vegna H₂S losnar frá virkjuninni í Svartsengi. Það gas hefur sterka lykt í ákveðnum styrk sem líkist til dæmis lykt af hverasvæðum. H₂S er þó ekki mælast meira en verið hefur í gegnum árin.

Brennisteinsdíoxíð (SO₂) sem losnar frá nýja hrauninu hefur ekki eins afgerandi lykt. Gosmóða (SO₄ agnir) getur hinsvegar lyktað eins og flugeldalykt. 

Mengunin sem hefur verið að mælast síðustu daga er því sambland af gosmóðu frá nýja hrauninu og frá útblæstri virkjunarinnar í Svartsengi.  

Mælanet SO₂ gasmæla er þétt á Suðurnesjum. Umhverfisstofnun er að vinna að því að þétta net svifryksmæla sem skynja brennisteinsagnir.

Tengt efni:

• Loftmengun frá eldgosum
• Loftgæði.is