Skólp er úrgangur frá heimilum og fyrirtækjum sem skolaður er í burtu með vatni. En hvaða efni geta verið í skólpi, hversu vel er það hreinsað og hefur það einhver áhrif á nærumhverfi okkar? Á Hátíð hafsins stóð Umhverfisstofnun fyrir getraun um skólp og þakkar stofnunin öllum þeim sem tóku þátt í getrauninni. Dregið hefur verið úr svörum sem bárust og fá fimm þátttakendur í verðlaun glæsilegan Regatta bakpoka og gjafabréf fyrir þrjá í skoðunarferð um Vatnshelli á Snæfellsnesi. Vinningshafarnir eru þessir:

• Halldóra Freygarðsdóttir 
  
• Jóhannes Kári Sigurðsson 
  
• Arndís María Sigurðardóttir 
  
• Þórdís Lilja Ólafsdóttir 
  
• Bjarki Sigurðsson

Alls tóku 212 manns þátt í getrauninni. 

 Getraunin var byggð á upplýsingum sem komu fram á veggspjöldum á sýningu sem Umhverfisstofnun var með á Hátíð hafsins um áhrif mannsins á hafið, strendur og lífríki hafsins. 

Óhreinsað skólp getur haft áhrif á nýtingu strandsvæða til útivistar og ferðamennsku. Í Reykjavík og nágrenni er fyrsta stigs hreinsun á skólpi, en víða um land er engin hreinsun á skólpi. 

Lyfjaleifar geta borist út í umhverfið með skólpi og í skólpi á Íslandi hafa meðal annars fundist leifar af verkja- og bólgueyðandi lyfjum, hjartalyfjum og þvagræsilyfjum. Þekkt er að lyfjaleifar geta haft hormónaraskandi áhrif. 

Ýmsar snyrti- og hreinlætisvörur innihalda efnis em geta haft skaðleg áhrif á heilsu og umhverfi. Þessi efni berast út í umhverfið með vatni sem við notum í okkar daglega lífi. Það er því mikilvægt að við vönduð vel valið á slíkum vörum og notum í hófi sápur, krem, snyrtivörur og aðrar vörur sem í geta verið skaðleg efni. 

Rétt svör við getrauninni eru þessi:

• Allt skólp á Íslandi er hreinsað áður en því er veitt út í sjó: Rangt
• Í Reykjavík er 1. þreps hreinsun á skólpi: Rétt
• Ekki er óhætt að stunda sjóböð allstaðar við strendur landsins: Rétt
• Í snyrtivörum geta ekki verið nein skaðleg efni: Rangt
• Mælst hafa leifar af hjartalyfjum í skólpi á Íslandi: Rétt

Halldóra Freygarðsdóttir og Bjarki Sigurðsson

Jóhannes Kári Sigurðsson 

Arndís María Sigurðardóttir (til vinstri) og Þórdís Lilja Ólafsdóttir