Fimmtudaginn 8. maí síðastliðinn var ársfundur Umhverfisstofnunar og náttúruverndarnefnda sveitarfélaga haldinn að Hótel Héraði á Egilsstöðum, í boði Fljótsdalshéraðs.

Forstjóri Umhverfisstofnunar, Kristín Linda Árnadóttir setti fundinn, en í kjölfarið voru flutt ýmis erindi er tengdust yfirskrift fundarins sem var „Friðlýst svæði tákn eða tækifæri“.

Í lok fundarins var farið í skoðunarferð að Vallanesi á Norður–Völlum, þar sem m.a. fer fram lífræn ræktun garðávaxta og grænmetis og síðan skoðað trjásafnið í Hallormsstaðaskógi. Sameiginlegur kvöldverður var að lokum í Gistihúsinu Egilsstöðum.

Hér fyrir neðan má nálgast ávarp forstjóra og nokkra af fyrirlestrum fundarins:

• Kristín Linda Árnadóttir, forstjóri Umhverfisstofnunar.
• Forseti bæjarstjórnar Fljótsdalshéraðs – Soffía Lárusdóttir.
• Friðlýst svæði, tilgangur og markmið. Sigurður Þráinsson – Umhverfisráðuneyti
• Friðlýst svæði; ástand, umsjón og horfur. Hjalti J. Guðmundsson, sviðsstjóri, Umhverfisstofnun
• Áherslur og tækifæri. Anna Kristín Ólafsdóttir, Vatnajökulsþjóðgarður
• Starfsemi og störf í þjóðgörðum. Sigþrúður Stella, þjóðgarðsvörður. Vantajökulsþjóðgarður
• Hlutverk náttúrustofa og tengsl við friðlýst svæði. Þorsteinn Sæmundsson, forstöðumaður Náttúrustofu Norðurlands vestra.
• Gildi fólkvangs fyrir sveitarfélag - Einkunnir. Björg Gunnarsdóttir, umhverfis– og kynningarfulltrúi Borgarbyggðar.
• Þjóðgarðurinn Snæfellsjökull – best geymda leyndarmálið. Tækifæri til frekari þjónustu og atvinnusköpunar. Snæfellsnesþjóðgarður – Guðrún Bergmann.
• Hornstrandir –Skipulag friðlands, framtíðarhorfur svæðis. Gunnar Páll Eydal, Teiknistofan Eik.
• Reykjanesfólkvangur: Falinn fjársjóður. Ásta Þorleifsdóttir, formaður stjórnar Reykjanesfólkvangs