Síðastliðið sumar naut Umhverfisstofnun aðstoðar bandarísks hóps sjálfboðaliða. Þeir komu frá School of International Training (SIT), sem heldur úti sumarverkefnum vítt og breitt um heiminn. SIT býður upp á verkefni á Íslandi sem beinist að öllum þáttum endurnýjanlegrar orku, allt frá uppsprettum hennar í náttúrunni til tæknilegrar nýtingar hennar og samfélagslegra og umhverfislegra áhrifa.  

Sjálboðaliðarnir þrettán (níu stelpur og fjórir strákar) unnu hörðum höndum í náttúruvætti Laugaráss sem er á rauðum lista yfir friðlýst svæði í hættu á Íslandi. Sjálfboðaliðarnir voru undir stjórn liðsstjóra SIT, liðsstjóra og umsjónarmanni Sjálfboðaliðar Umhverfisstofnunar.

Verkefnið var fólgið í því að fjarlægja ágengar plöntur sem eru að kæfa niður bæði upprunalegt plönturíki og gamlar jarðmyndanir sem urðu til af völdum jökla á síðustu ísöld. Sjálfboðaliðunum tókst að fjarlægja 10% af lúpínu (Lupinus perennis) á svæðinu. 

Eftir verkefnið hittust sjálfboðaliðarnir á Umhverfisstofnun til að ræða náttúruvernd og sjálfboðaliðastarf í henni. Þetta var mjög ánægjulegur og árangursríkur dagur þrátt fyrir rigningu.

Myndir