Umhverfistofnun - Logo

Stök frétt

Alix og Dagur, landverðir Umhverfisstofnunar, eru meðal þeirra sem hafa staðið vaktina síðan í september.

Eldgos í Fagradalsfjalli skapaði þörf fyrir nýjar lausnir. Landverðir Umhverfisstofnunar voru kallaðir til með sína sérþekkingu og reynslu af móttöku og fræðslu til gesta á friðlýstum svæðum.  

Landverðir höfðu fastar vaktir á gossvæðinu alla daga frá byrjun september 2022. Nú í lok árs 2022 lauk þessu tímabili og landverðir verða ekki á svæðinu að staðaldri. 

Eitt stærsta verkefni landvarðanna var að sinna mikilvægri fræðslu til gesta og ferðaþjónustuaðila um:

  • Hættur á svæðinu
  • Veður
  • Búnað og klæðnað 
  • Daglengd og birtu
  • Náttúru og jarðfræði
Landverðirnir tíndu einnig rusl á gönguleiðum, löguðu stíga, stikur og merkingar á svæðinu ásamt því að vera með eftirlit með akstri utan vega.  

Landverðirnir voru í góðu samstarfi við viðbragðsaðila og aðstoðuðu gesti sem lentu í vandræðum eða slösuðust. 

Landverðir eru vanir að starfa við ýmsar aðstæður, líka í brunagaddi. Hér eru Julie og René. 

Umhverfisstofnun vill þakka gott samstarf við lögreglu, sveitarfélag, landeigendur, viðbragðsaðila og aðra sem unnið var með á svæðinu. 

Aðstaða landvarða á gossvæðinu. 

Landverðir Umhverfisstofnunar hafa mikla reynslu í fræðslu og samskiptum við ferðamenn. 

Náttúran sýndi allar sínar hliðar á tímabilinu. 

Mikilvægt var að fræða erlenda gesti um daglengd og birtu yfir vetrartímann á Íslandi. 

Landverðir stóðu vaktina í öllum veðrum. 

Upplýsingagjöf til ferðaþjónustuaðila var mikilvægur þáttur í starfi landvarðanna.