Umhverfisstofnun hefur borist umsókn um breytingu á starfsleyfi ORF Líftækni hf. fyrir afmarkaða starfsemi með erfðabreyttar plöntur í starfsstöð rekstraraðila í Grænu Smiðjunni, Grindavík. Um er að ræða breytingu á aðferð förgunar lífræns úrgangs (plöntuleifa) þar sem sótt er um að úrgangur sé nýttur við moltugerð í stað þess að hann sé brenndur. Er þetta gert til að minnka kolefnisspor rekstrarins (lækka losun CO₂).

Unnið er úr umsókn og verður kallað eftir umsögn frá ráðgjafanefnd um erfðabreyttar lífverur áður en starfsleyfi er breytt.

Þá sækir rekstraraðili einnig um samþykki Umhverfisstofnunar á breyttum starfsháttum við förgun úrgangs í leyfi starfseminnar í starfsstöðinni í Víkurhvarfi 7, Kópavogi. Unnið er að því samþykki samhliða breytingu á starfsleyfi.