Loftslagsdagurinn fer fram í Hörpu og í beinu streymi þann 4. maí 2023.

Beint streymi frá viðburðinum: 

Markmið Loftslagsdagsins er að fjalla um loftlagsmál á mannamáli.  

Þemu dagsins

Þemu dagsins að þessu sinni eru:

• Hvernig miðar okkur í átt að kolefnishlutleysi?
• Hvaða breytingar þurfum við að gera á samfélaginu til að ná kolefnishlutleysi?
• Hvernig skila peningarnir árangri?

Sérstakur gestur: Daniel Montalvo

Daniel Montalvo, sérfræðingur í sjálfbærri auðlindanýtingu og iðnaði hjá Umhverfisstofnun Evrópu, er sérstakur gestafyrirlesari. Daniel mun fjalla um aftengingu hagvaxtar og umhverfisáhrifa undir yfirskriftinni:

Decoupling to deliver on the sustainability transition - Towards a climate neutral, circular and pollution free society.

Daniel hefur unnið hjá Umhverfisstofnun Evrópu í 10 ár og fengist við losun iðnfyrirtækja, stefnumótandi áherslur við innleiðingu hringrásarhagkerfis, hráefnanýtingu og tengingar iðnaðar og umhverfis.

Spennandi erindi

Á dagskrá eru fjöldi spennandi erinda úr ýmsum áttum sem færa okkur nær svörum við spurningum dagsins. Þar á meðal:

• Losun Íslands 1990-2040 - Nicole Keller, teymisstjóri í teymi losunarbókhalds, Umhverfisstofnun
• Að virkja fjármagn í sjálfbærum rekstri: EU Taxonomy með fókus á loftslagsmál - Tómas Njáll Möller, formaður Festu og yfirlögfræðingur Lífeyrissjóðs verzlunarmanna
• Umhverfisfullyrðingar í markaðssetningu - Matthildur Sveinsdóttir, sviðsstjóri hjá Neytendastofu
• Hvernig breytir maður samfélagi? - Ragna Benedikta Garðarsdóttir, prófessor í félagssálfræði við Sálfræðideild HÍ
• Stríð og kliður: Hvað verður um ímyndunaraflið? - Sverrir Norland, rithöfundur, útgefandi og fyrirlesari

Skoða dagskrá

Þátttakendur senda inn spurningar

Allir þátttakendur geta sent inn spurningar með því að fara inn á Slido.com og slá inn #loftslagsdagurinn.

Í lok hverrar málstofu verða vinsælustu spurningarnar bornar fram í pallborði með fyrirlesurunum.

Umhverfisvænn viðburður

Við skipulagningu Loftslagsdagsins eru fjölmörg atriði höfð að leiðarljósi til að draga úr losun gróðurhúsalofttegunda og lágmarka neikvæð umhverfisáhrif viðburðarins. Nánar.

Loftlagsdagurinn.is

Viðburðurinn á Facebook