Nú er svartfuglsveiðitíminn í algleymingi og ljóst að margir nýta sér að komast út á sjó þegar dúrar milli lægða. Teista hefur verið friðuð fyrir skotveiðum síðan árið 2017, enda á stofninn undir högg að sækja. Orsakirnar eru m.a. taldar vera afrán minks, en teistum er einnig mjög hætt við að lenda í grásleppunetum. 

Við biðlum til skotveiðimanna að passa sig eftir fremsta megni að skjóta ekki teistu í misgripum fyrir aðra bráð. Að vetri er teistan mun ljósari en aðrir svartfuglar og ekki með greinilega litskiptingu eins og t.d. langvía og stuttnefja. Það mætti segja að hún væri flikróttari. 

Í meðfylgjandi hlekkjum eru myndir af teistum á mismunandi lífsstigum og árstímum.

https://www.allaboutbirds.org/guide/Black_Guillemot/id

https://www.flickr.com/photos/reynirsk/5068862567