Fiskeldi Austfjarða hf. hefur óskað eftir því að heimild starfsleyfis fyrir kvíaeldi í Fáskrúðsfirði verði breytt þannig að í stað framleiðslu á þorski verði heimild fyrir framleiðslu á regnbogasilungi. Ekki er óskað eftir því að framleiðsluheimild sé aukin í heild.

Rekstraraðili hefur aflað álits Skipulagsstofnunar þess efnis að áformin rúmist innan þeirra forsendna sem fyrri umfjöllun hennar byggði á. 

Umhverfisstofnun telur að þessi áform kalli á breytingu á grein 1.2 í starfsleyfi fyrirtækisins. Stofnunin hefur fallist á að leggja fram breytingartillögu og auglýsir hana hér með á sama hátt og þegar auglýst er ný tillaga að starfsleyfi. Tillagan er auglýst á tímabilinu 29. apríl til 29. júní 2013 og frestur til að gera athugasemdir er því til 29. júní 2013.

Gögn

• Tillaga að breytingu starfsleyfis
• Álit skipulagsstofnunar
• Beiðni um endurupptöku ákvörðunnar um starfsleyfi Fiskeldis Austfjarða hf.