Stök frétt

Umhverfisstofnun hefur unnið tillögu að starfsleyfi fyrir olíubirgðastöð Olíudreifingar ehf. við Hafnargötu 57, Seyðisfirði. Ekki er til staðar deiliskipulag fyrir þann stað sem þessi stöð stendur á. Í umsögn Seyðisfjarðarkaupstaðar segir að starfsemi sé í samræmi við landnotkun í aðalskipulagi og byggðaþróun og að hún sé í samræmi við samþykkta notkun fasteignar. Því er heimilt að veita starfsleyfi til allt að fjögurra ára.

Umhverfisstofnun hefur ekki hug á að hafa opinn kynningarfund um tillöguna en berist ósk um fund verður það endurskoðað.

Athugasemdir við starfsleyfistillöguna skulu vera skriflegar og sendast á Umhverfisstofnun. Frestur til að skila inn athugasemdum er til 19. janúar 2018.

Tengd skjöl