Spurningar og svör

Ég veiddi ekkert í fyrra, þarf ég að skila inn veiðiskýrslu?

Það þarf alltaf að skila inn veiðiskýrslu þó svo að ekkert sé veitt. Skýrslunni er þá skilað inn auðri. Skila þarf veiðiskýrslu inn fyrir 1. apríl svo ekki komi til sektar sem er 1500 kr. og erfist hún milli ára ef kortið er ekki tekið.

Ég sé fram á að ég fari ekkert til veiða á þessu ári, þarf ég að endurnýja veiðikortið til að viðhalda því? 

Nei, það þarf ekki að endurnýja kortið ef ekkert er haldið til veiða. Endurnýjun veiðikorts þarf þó að gerast innan tíu ára frá síðustu endurnýjun en eftir þann tíma þurfa menn að taka hæfnispróf verðandi veiðmanna til að fá veiðikort aftur. Þó að veiðikort sé ekki endurnýjað þarf að skila inn veiðiskýrslu fyrir 1. apríl því veiðikortið gildir frá 1.apríl til 31. mars ári síðar en veiðiskýrslan tekur til almanaksársins. Það er, ef þú ert með veiðikort 2014 gildir það frá 1.apríl 2017 til 31.mars 2018.

Skiptir máli í hvaða röð ég tek veiðikorta- og skotvopnanámskeiðið? 

Nei það skiptir ekki máli í hvaða röð námskeiðin eru tekin. Þetta eru tvö aðskilin námskeið en leitast er við að halda námskeiðin með fárra daga millibili til hagræðis. Hverjum og einum er frjáls að láta lengra líða milli námskeiða eftir eigin hentisemi. Ef ætlunin er einungis að fá skotvopnaleyfi til að stunda skotfimi en ekki stunda veiðar þarf ekki að fara á veiðkortanámskeiðið

Hvernig endurnýja ég veiðikortið?

Við endurnýjun veiðikorts þarf veiðimaður að skila inn veiðiskýrslu undangengins veiðiárs. Óheimilt er að endurnýja veiðikort nema veiðiskýrslu hafi verið skilað inn.. Það er hægt að skila inn veiðiskýrslu og umsókn um veiðikort á vef Umhverfisstofnunar (setja hlekk hér)  Til að komast inn á skilavefinn notar þú annaðhvort rafrænt skilríki eða íslykil sem þjóðskráin gefur út. Sktóvirkasta afgreiðsla veiðikorta fæst með því að óska einungis eftir rafrænu veiðikorti og greiða með greiðslukorit á vefnum en þá færð þú rafrænt veiðikort sent um hæl á netfang þitt.

Ég týndi veiðikorti mín, hvað er til ráða?

Þú ferð inn á skilavefinn á þitt svæði með íslykli eða rafrænu skilríki og smellir á „Sendu mér rafrænt veiðikort aftur“ og þú færð veiðikortið sent á netfang þitt sem þú ert með skráð hjá okkur.