Dyrhólaey

2. júlí 2020

Undanfarið hafa fulltrúar Umhverfisstofnunar, landeigenda og sveitarfélagsins Mýrdalshrepps unnið að gerð stjórnunar- og verndaráætlunar fyrir friðlandið Dyrhólaey.

Drög að áætluninni eru hér með lögð fram til kynningar.

Dyrhólaey er um 120 metra hár höfði sem gengur í sjó fram við suðurströnd landsins. Syðsti oddi eyjunnar nefnist Tóin og er syðsti landfasti hluti Íslands. Dyrhólaey var friðlýst sem friðland árið 1978 og er það 151,43 ha að flatarmáli.
 Verndargildi Dyrhólaeyjar felst í fjölbreyttu fuglalífi svæðisins, stórbrotnu útsýni og landslagi. Leiðarljós áætlunarinnar er að varðveita samspil landslags, lífríkis og menningar.

Stjórnunar- og verndaráætlun fyrir Dyrhólaey er ætlað að vera stefnumótandi skjal, unnið í samvinnu við landeigendur, sveitarfélag og hagsmunaaðila og er hugsað sem stjórntæki til að móta framtíðarsýn svæðisins. Markmiðið með gerð hennar er að leggja fram stefnu um verndun Dyrhólaeyjar og hvernig viðhalda skuli verndargildi svæðisins þannig að sem mest sátt ríki um. Í áætluninni er lögð fram stefnumótum til 10 ára, ásamt hlaupandi aðgerðaáætlun til þriggja ára.

Hér að neðan má sjá stjórnunar- og verndaráætlun fyrir friðlandið auk aðgerðaáætlunar til þriggja ára.

Frestur til að skila inn athugasemdum og ábendingum fyrir friðlandið er til og með 1. september 2020.
Hægt er að skila inn ábendingum og athugasemdum á heimasíðu Umhverfisstofnunar, með tölvupósti á netfangið ust@ust.is eða með því að senda póst til Umhverfisstofnunar, Suðurlandsbraut 24, 108 Reykjavík.

Nánari upplýsingar veitir Guðbjörg Gunnarsdóttir, gudbjorg@ust.is  eða í síma 591-2000. 

Tengd skjöl: 
Stjórnunar- og verndaráætlun fyrir Dyrhólahey
Aðgerðaráætlun til þriggja ára