Umhverfistofnun - Logo

Algengar spurningar og svör

Er ólöglegt að keyra utan vega?

Já, fjölbreytileiki náttúrunnar á Íslandi er mikið aðdráttarafl  fyrir þá sem ferðast hingað. Landið er mjög viðkvæmt víða og gáleysislegur akstur getur valdið miklu tjóni á náttúrulega umhverfið og það tekur tekið mörg ár, jafnvel áratugi, fyrir náttúruna að ná sér. Sjá frekari upplýsingar um akstur utan vega: https://ust.is/nattura/umgengni-um-natturu-islands/akstur-utan-vega/

Get ég séð refi?

Já, það er alltaf möguleiki á að sjá þá með smá heppni.

Get ég séð hvali?

Já, þeir eiga það til að stökkva upp úr sjónum við strendurnar, því hærra  sem þið eruð því meiri líkur eru að sjá þá.

Má gefa dýrunum að borða?

Nei, vinsamlegast fóðrið ekki þau dýr sem þið sjáið í Þjóðgarðinum.

Hvenær lokar Þjóðgarðurinn?

Það eru engir opnunartímar fyrir Þjóðgarðinn Snæfellsjökul en vinsamlegast athugið að ekki má gista innan þjóðgarðs (hvorki tjalda né gista í  húsbíl). Gestastofan á Malarrifi er opinn milli 10:00 – 17:00 alla daga en það breytist í október þegar vetraropnunartími tekur við, þá er opið milli 11:00 – 16:00.

Kostar inn í Þjóðgarðinn?

Nei, það kostar ekkert inn í Þjóðgarðinn, hann er opinn fyrir alla sem vilja koma.

Hvernig kemst ég að Snæfellsjökli?

Það eru tveir vegir sem liggja upp að jöklinum (nr. 570 og F575) og annar þeirra er merktur „F“ vegur (F575) og er mælt með að fara hann á fjórhjóladrifnum bíl. Hægt er að fara upp jökulhálsinn (570) bæði frá Ólafsvík og Arnarstapa. Vinsamlegast athugið að vegirnir eru ekki opnir allt árið. Ef ætlunin er að fara upp á jökul  mælum við eindregið með því að fólk kaupi sér ferð upp á jökulinn hjá einu af mörgum fyrirtækjum á svæðinu  sem bjóða upp á  slíkar ferðir.

Hví er sandurinn svartur í fjörunum?

Vegna hrauns sem hefur veðrast við öldugang, ösku úr stórum eldfjöllum og vegna jökulhlaupa.

Eru salerni á svæðinu?

Já. Það eru salerni opinn allan ársins hring á hægri hlið Gestastofunar. Einnig eru salerni inni sem má nota þegar  Gestastofan er opin. Á sumrin eru salernin á Djúpalónssandi opin.

Eru til kort af gönguleiðum innan þjóðgarðs ?

Já, það er hægt að kaupa kort í Gestastofunni á Malarrifi á 400 krónur og einnig er hægt að nálgast kortin á netinu hér.

Má ég fara inn í vitann á Malarrifi?

Nei, hann er lokaður almenningi.

Er hægt að fara í lautaferð í Þjóðgarðinum?

Já, það eru áningaborð um allan garð, en við biðjum fólk að vinsamlegast að taka allt rusl með sér þegar það fer.  Göngum vel um og skiljum ekkert eftir.

Eru ruslatunnur í Þjóðgarðinum?

Nei, allt sem fólk tekur með sér inn í Þjóðgarðinn, tekur það með sér út.

Hversu löng er gangan milli Arnarstapa og Hellna

Það tekur ca 45 mínútur að ganga aðra leiðina sem er 2,5 km, eða um einn og hálfan tíma fram og til baka.

Má taka steina úr fjörunum með sér heim sem minjagripi?

Það má ekki taka neitt úr Þjóðgarðinum nema myndir og minningar, það eru margir sem telja það boði ógæfu að taka með sér steina 

Er  matar- og kaffisala í Gestastofunni á Malarrifi?

Nei, það er ekki veitingasala í  Gestastofunni, en það eru  kaffihús og veitingastaðir á Arnarstapa, Hellnum, Hellissandi og í Ólafsvík, sitthvorum megin við þjóðgarðinn.

Hvernig er vegurinn sem liggur í gegnum Þjóðgarðinn?

Útnesvegur sem liggur í gegnum þjóðgarðinner malbikaður allan hringinn, hinsvegar eru margir afleggjarar inn á sum svæðin malarvegir. Við mælum samt með að fólk fylgist með færð vegna veðurs hér.

Hverju er mælt með að taka með sér í stutta göngu? 

Við mælum með að fólk hafi með sér á sumargöngu:

  • Góða skó,
  • vatnsbrúsa með vatni,
  • léttan hlífðarfatnað,
  • göngustafi,
  • sjónauka,
  • myndavél,
  • auka sokka,
  • sólgleraugu,
  • sjúkrabúnað,
  • áttavita/GPS tæki,
  • landakort,
  • Safetravel appið


Fyrir vetrarferðir

  • kuldaskó,
  • vatnsbrúsa með vatni,
  • hlýja úlpu og kuldabuxur,
  • göngustafi,
  • sjónauka,
  • myndavél,
  • vettlinga,
  • Safetravel appið