Stefnumót við náttúruna

Vissir þú að á Íslandi eru 119 svæði sem eru friðlýst? Þetta eru t.d. þjóðgarðar, fólkvangar, friðlönd, náttúruvætti og landslagsverndarsvæði sem eru vítt og breitt um landið. Mörg þessara náttúruverndarsvæða eru tilvalin til útivistar og heilsueflingar, með góða innviði og landverði sem taka vel á móti gestum.  

Landverðir Umhverfisstofnunar munu bjóða upp á fjölbreytta fræðsludagskrá um allt land í sumar. Dagskráin er aðgengileg á heimasíðu og samfélagsmiðlum Umhverfisstofnunar Facebook og Instagram. Dagskráin er fjölbreytt og allir ættu að finna eitthvað við sitt hæfi. Fræðslugöngurnar eru þátttakendum að kostnaðarlausu og ekki þarf að skrá sig sérstaklega í þær heldur nægir að mæta á staðinn á auglýstum tíma.

Nánari upplýsingar í síma 591-2000 eða á ust@ust.is