Arsenik

Arsenik er eitt af frumefnum jarðar. Það hefur verið notað til að gagnverja (fúaverja) timbur, við framleiðslu á glervörum til að hindra loftbólumyndun og í rafbúnaði.

Af hverju er það hættulegt?

Hin ýmsu arseniksambönd safnast fyrir í plöntum og dýrum í mismiklu mæli. Þau geta verið mjög eitruð lífríkinu og jafnvel valdið krabbameini. 

Í hverju finnst efnið? 

  • Gagnvörðu timbri
  • Raftækjum
  • Ýmsum gerðum af gleri
  • Plastvörum (PVC-vörum), t.a.m. gólfefnum
  • Steinefnaáburði
  • Tóbaki 
  • Rafgeymum

Áður fyrr var timbur gagnvarið með svokallaðri CCA þrýstimeðferð þar sem krómi (C), kopar (C) og arseniki (A) var þrýst inn í viðinn. Í dag er bannað að nota arsenik og króm í þrýstimeðferðir á timbur nema í sérstökum tilfellum innan atvinnulífsins. Þessi efni munu þó halda áfram að leka úr gömlu CCA-meðhöndluðu timbri næstu árin. 

CCA-meðhöndlað timbur flokkast sem spilliefni og því verður að skila því á endurvinnslustöð sem slíku. CCA-meðhöndlað timbur má ekki brenna því efnin mynda eitraðan reyk, ryk og ösku.