Þjóðgarðurinn Snæfellsjökull

Þjóðgarðurinn Snæfellsjökull er staðsettur á utanverðu Snæfellsnesi á Vesturlandi. Hann er um 170 km2 að stærð og eini þjóðgarður landsins sem nær að sjó. Þjóðgarðurinn Snæfellsjökull er opinn allt árið. Gestastofa þjóðgarðsins er á Hellnum. Hún verður opin alla virka daga frá 2. febrúar 2014 (Sjá opnunartíma í flipa). Þar er upplýsinga-miðstöð þjóðgarðsins og áhugaverð náttúru- og verminjasýning.

Þjóðgarðurinn Snæfellsjökull
Klettsbúð 7 360 Hellissandur
Sími: 436 6860
Fax: 436 6861
Netfang: snaefellsjokull@umhverfisstofnun.is

Guðbjörg Gunnarsdóttir, þjóðgarðsvörður
Lárus Kjartansson, sérfræðingur

Fréttir

Viltu vita meira

Gestastofa þjóðgarðsins er á Hellnum. Hún var opnuð sumarið 2004 í fyrrverandi fjárhúsum. Þema sýningarinnar í gestastofunni er vermaðurinn og náttúran og er leitast við að sýna hvernig vermenn nýttu náttúruna til að sjá sér farboða. Höfðað er til allra skilningarvitanna og eru gestir hvattir til að smakka, lykta og reyna. Hægt er að finna eitthvað skemmtilegt fyrir fólk á öllum aldri í gestastofunni. Þar má einnig nálgast upplýsingar og fræðslu um svæðið undir Jökli hjá landvörðum sem þar starfa.

 Opnunartími 2014 

  • Febrúar: kl. 11-15 
  • Mars – maí: kl. 11-16 
  • Júní – ágúst: kl. 10-17 
  • Sept. - okt.: kl. 11-16 
  • Nóvember: kl. 11-15 

Hafðu samband

Gestastofa á Hellnum
Sími: 436 6888 
Netfang: snaefellsjokull@umhverfisstofnun.is

Vatnshellir er hraunhellir en þeir myndast á meðan hraunið rennur og það er enn að storkna og kólna. Hraunið og hellirinn eru talin vera um 5-8000 ára gömul. Heildarlengd Vatnshellis er um 200 m og þar er hátt til lofts og vítt til veggja. Hellirinn hefur verið gerður aðgengilegur með hringstigum en umferð um hann er aðeins leyfð með leiðsögn.

Ferðir með leiðsögn í Vatnshelli

Ferðir með leiðsögn verða alla daga í sumar frá kl. 10:00 til 18:00. Hver ferð tekur um 50 mínútur. Upplýsingar í síma 665 2818. Nauðsynlegt er að vera vel klæddur, í góðum skóm og með hanska því kalt er í hellinum en fólk fær hjálma og ljós hjá leiðsögumönnum. Verð er 2000 kr. fyrir fullorðna, 1000 kr. fyrir 12-16 ár og frítt fyrir yngri börn.


Hellirinn er í suðurhlíðum Purkhólahrauns, upp af Malarrifi, ofan við Útnesveg (574). Bílastæði er rétt við aðalveginn. Ath. salerni eru ekki við hellinn.


Þversnið af Vatnshelli í Purkhólahrauni. Teikning: Hjörleifur Stefánsson

Frá Reykjavík

Akið þjóðveg 1 í Borgarnes. Akið aðra útkeyrslu úr hringtorginu norðan við Borgarnes inn á þjóðveg 54 sem liggur til Snæfellsness. Við Vegamót er hægt að velja veg 56 yfir Vatnaleið og við gatnamót vegar 54 skiptist leiðin annars vegar í átt að Stykkishólmi og hins vegar til vesturs eftir norðanverðu Snæfellsnesi og í þjóðgarðinn. Við Vegamót er einnig hægt að halda beint áfram til vesturs eftir sunnanverðu Snæfellsnesi og í þjóðgarðinn. Vegurinn er lagður bundnu slitlagi 

Á milli Búða og Fróðárhrepps liggur vegur um Fróðárheiði. Á sumrin er vegurinn um Jökulháls opinn en hann liggur á milli Arnarstapa og Ólafsvíkur. Hluti Fróðárheiðar og allur Jökulháls eru malarvegir. 

Frá Akureyri

Akið þjóðveg 1 að botni Hrútafjarðar. Akið þá þjóðveg 61 í norðurátt uns komið er að vegi yfir Laxárdalsheiði. Akið þá þjóðveg 59 yfir í Dalina og þaðan þjóðveg 60 að vegamótum Skógarstrandarvegar. Akið þá inn á þjóðveg 54 og leiðin liggur á Snæfellsnes. Vegirnir um Laxárdalsheiði og Skógarströnd eru malarvegir. Vegur 574, Útnesvegur, liggur um þjóðgarðinn og að friðlöndunum á Búðum, Arnarstapa og Hellnum. Vegurinn er lagður bundnu slitlagi.

Veður

Skjótt skipast veður í lofti og veðurfar getur verið ótrúlega breytilegt á stuttum kafla á Snæfellsnesi, allt eftir vindátt og skýjafari. Oft má finna logn einhversstaðar í þjóðgarðinum!

Veðurspá


Ferðaöryggi

Færð

Á ferð um landið er alltaf gott að vera viðbúinn því að færð og vegir geti spillst af völdum úrkomu og vinda. 

Upplýsingar um færð

 

Upplýsingasími: 1777

Tindur Snæfellsjökuls

Öllum er frjálst að ganga um land þjóðgarðsins og friðlandanna en ætlast er til að merktum gönguleiðum sé fylgt þar sem þær eru fyrir hendi. Akstur er leyfður á akvegum og merktum slóðum og hjólreiðar einnig. Hestaumferð er heimil á merktum reiðleiðum. Þeir sem hyggjast fara með hesta um þjóðgarðinn eru beðnir um að hafa áður samband við starfsmenn hans.


Göngum vel um náttúruna og vinnum ekki spjöll, svo sem með því að rífa upp gróður, trufla dýralíf eða raska jarðmyndunum og fornminjum. Kveikjum ekki eld á víðavangi og tökum allt sorp með okkur. Höfum hunda og önnur gæludýr í bandi og þrífum eftir þau úrgang.


Tilgangur friðlýsingar er að vernda náttúru landsins á þann hátt að fólki gefist kostur á að njóta hennar. Með friðun er tekið frá land fyrir eðlilega framvindu náttúrunnar, útivist og upplifun manna á náttúrunni. Aukin þekking og skilningur almennings og virk þátttaka í náttúruvernd eru grundvallaratriði til að ná fram þessum markmiðum. Virðum reglur og rétt fólks til að njóta náttúrunnar.

Skiljum ekkert eftir og tökum aðeins myndir og minningar!


Sumardagskrá 2013 /  Summer schedule 2013
     
 Enska - English  Þýska - Deutsch  Franska - Français

Viðburðir sumarsins

Bæklingur með viðburðum sumarsins í Þjóðgarðinum Snæfellsjökli hefur verið gefinn út. Í honum er að finna upplýsingar um þjóðgarðinn, opnunartíma, símanúmer, vikulega dagskrá, sérferðir, viðburði, ásamt korti og ýmsum öðrum hagnýtum upplýsingum.

Viðburðir

27.06.2014 14:59

Búðahraun - söguferð

26.05.2014 10:30

Sumardagskrá 2014

17.02.2014 10:47

Sólstöðuganga 2014

Sumardagskrá 2013 /  Summer schedule 2013