Vöktun stranda

Vöktun rusls á ströndum

Sumarið 2016 hóf Umhverfisstofnun vöktun á ströndum, samkvæmt aðferðafræði og leiðbeiningum frá OSPAR. Vaktað er fyrirfram afmarkað svæði á hverri strönd. Tilgangur vöktunarinnar er að finna uppruna rusls á ströndum, hvaða flokkar rusls safnast mest fyrir, meta magn sem safnast fyrir yfir ákveðið tímabil og að fjarlægja ruslið. Með vöktuninni uppfyllir Ísland hluta af aðgerðaráætlun OSPAR, um að draga úr skaðsemi úrgangs í hafi og á ströndum. OSPAR er samningur um verndun hafrýmis Norðaustur-Atlantshafsins sem Ísland hefur staðfest.

 

Umhverfisstofnun sér í flestum tilfellum um framkvæmd vöktunarinnar með aðstoð viðkomandi sveitarfélags og/eða landeigenda. Stofnunin hefur þó samið við Náttúrustofu Vestfjarða um framkvæmd vöktunar á Rauðasandi frá og með árinu 2017. Samið hefur verið við Háskólasetur Vestfjarða um vöktun á Rekavík bak Höfn á Hornströndum frá með árinu 2018. Auk þess var gögnum safnað þar árið 2017.

 

Strönd/svæði

Tíðni vöktunar á ári

Bakkavík á Seltjarnarnesi

4 x

Búðavík á Snæfellsnesi

3 x

Rauðasandur

1 x

Surtsey (vestanmegin)

1 x

Surtsey (austanmegin)

1 x

Rekavík Hornströndum

1 x



Samantekt á niðurstöðum vöktunar fyrir árið 2016 og 2017 má nálgast hér.

Mynd sem fylgir - Rauði listinn

Rauði listinn

Veita þarf ákveðnum friðlýstum svæðum á Íslandi sérstaka athygli og aðhlynningu.
Meira